SpaceX täze EVA kosmos skafandryny hödürledi. Noldan başlap täzeden işlenen skafandr özünden öňkülere garanda ykjamlygy, göwrümi we gowulandyrylan aýratynlyklary bilen tapawutlanýar diýip, Spacenews.com ýazýar.
EVA has çeýe bogunlary, ösen durmuşy goldaýan ulgamy, şöhlä garşy ýeňil kaskasy we baş ekrany görkezýär. Toplumlaýyn kameralar we datçikler kostýumyň içiniň temperaturasyna, çyglylygyna we basyşa gözegçilik eder.
Täze skafandr Ýerde germetiginiň bozulmasy modelirlemesiniň synagyndan üstünlikli geçdi. Ony ilkinji gezek Polaris Dawn taslamasynyň çäginde açyk kosmosa çykjak dört astronawt geýer.
Howasyz giňişlikde EVA-nyň näçe wagt işlejegi entek belli däl. Megerem, ilkinji modelleri bu görkeziji boýunça tagaşyksyz rus “Orlanyndan” we amerikan EMU-syndan (7-8 sagat) pes bolar, ýöne synaglar şowly geçse, ýönekeý wezipeler we gysga möhletli hususy missiýalar amala aşyrylanda ol geljegi uly oruntutar bolup biler.
SpaceX-iň baş direktory Ilon Mask kostýumyň görkezilişiniň wideosyna teswir berip, SpaceX-iň kostýumyna kosmosyň kolonizasiýasyna tarap ädilen öwrülişikli ädim hökmünde garaýandygyny aýtdy.
Mask: "Aý bazasyny we Marsda şäher gurmak üçin bize millionlarça skafandr gerek" - diýdi.
