Disney-iň baş müdiri Bob Aýger kompaniýanyň kinoteatrlarda ýa-da telewideniýede çykarylýan Marvel taslamalarynyň sanyny azaltjakdygyny aýtdy. Bu barada film.ru habar berýär.
“Biz ýuwaş-ýuwaşdan önümçiligiň möçberini azaldarys we, ähtimal, ýylda öňki dört serialyň deregine iki serial çykararys, şeýle-de ýylda filmleriň çykyşyny dörtden ikä ýa-da üçe çenli azaldarys. Biz bu strategiýanyň üstünde yhlasly işleýäris” – diýip, Aýger Disney-iň çärýekleýin konferensiýasynda aýtdy.
Şeýle-de, ol Marvel-iň 2025-nji ýylda birnäçe filmleri hödürlejekdigini we “Ar alyjylar” (Мстители) älemini giňeltjekdigini aýtdy. Studiýanyň ýakynda çykmaly filmleriniň arasynda “Dedpul we Rosomaha”, “Kapitan Amerika 4”, “Gök gürrüldedijiler” (Громовержцы), “Fantastiki dörtlügiň” (Фантастическая четвёрка) rebuty, “Bleýd”, şeýle-de “Ar alyjylaryň” bäşinji we altynjy bölümleri bar.
