7-nji maýda “Ýewrowideniýe – 2024” aýdym-saz bäsleşiginiň birinji ýarym finaly geçirilip, finala gatnaşmak hukugy üçin 15 ýurt bäsleşdi. Emin agzalarynyň we tomaşaçylaryň ses berişliginiň netijeleri boýunça olardan 10-usy indiki tapgyra geçdi.
Aýdym-saz bäsleşiginiň finalyna Azerbaýjanyň, Awstraliýanyň, Polşanyň, Islandiýanyň we Moldowanyň wekilleri çykyp bilmedi.
Birinji ýarym finalyň finalçylary şulardan ybarat:
- Serbiýa: Teya Dora - Ramonda
- Sloweniýa: Raiven - Veronika
- Ukraina: alyona alyona & Jerry Heil - Teresa & Maria
- Portugaliýa: iolanda - Grito
- Litwa: Silvester Belt - Luktelk
- Finlýandiýa: Windows95man - No Rules
- Kipr: Silia Kapsis - Liar
- Horwatiýa: Baby Lasagna - Rim Tim Tagi Dim
- Irlandiýa: Bambie Thug - Doomsday Blue
- Lýuksemburg: TALI - Fighter
Olara finalda Şwesiýa (2023-nji ýylyň ýeňiji ýurdy) we Uly bäşligiň ýurtlary – Beýik Britaniýa, Fransiýa, Ispaniýa, Italiýa we Germaniýa goşular. Bu ýurtlar hiç hili ses berilmezden bäsleşigiň finalyna göni geçýärler.
“Ýewrowideniýe – 2024-üň” ikinji ýarym finaly 9-njy maýda geçirilip, ýene 10 finalçy kesgitlener. Bäsleşigiň ýeňijisi 11-nji maýda tomaşaçylaryň we emin agzalarynyň ses bermeleriniň netijesi boýunça saýlanar.
