Bütindünýä saglygy goraýyş guramasynyň (BSGG) maglumatlarynyň seljermesi 2020-nji ýyldan 2023-nji ýyla çenli COVID-19 bilen keselläp hassahanalara ýerleşdirilen näsaglaryň, takmynan, 75% -iniň zerur däl antibiotikleri kabul edendigini görkezdi diýip, guramanyň web sahypasyna salgylanýan RG.ru habar berýär.
Bütindünýä saglygy goraýyş guramasynyň hünärmenleri antibiotikleriň aşa köp ulanylmagy bakteriýalaryň dermanlara durnuklylygynyň ýokarlanmagyna sebäp bolup biler, bu bolsa gelejekde ýokanç keselleri bejermegi kynlaşdyrar diýip aladalanýarlar.
Derňew COVID-19 bilen kesellän hassalaryň diňe 8% -de hakykatdanam antibiotik ulanmagy talap edýän bakterial ýokaşma kesel kesgidiniň bardygyny görkezdi.
Şeýle-de bolsa, ýagdaýlaryň 75%-de lukmanlar bu dermanlary "ätiýaçdan" bellediler.
Köplenç antibiotikler COVID-19-y kyn geçirýän hassalara (ýagdaýlaryň 81% -de) we ýagdaýy örän agyr näsaglara bellenilýärdi.
Bütindünýä saglygy goraýyş guramasynyň hünärmenleriniň bellemegine görä, antibiotikleri kabul etmek COVID-19-yň geçişine oňyn täsir etmedi, emma şol bir wagtyň özünde bakteriýalaryň derman serişdelerine durnuklylygyny ýokarlandyrmak töwekgelçiligini ep-esli ýokarlandyrdy diýip, BSGG-nyň bilermenleri belleýärler.
