Ozal Türkiýäniň Antalýa şäherindäki halas edijileriň gark bolup barýan adama halas ediş halkasyny sanlyja sekundyň içinde gowşurmak üçin dron ulanyp başlandyklaryny habar beripdik. Hytaýly inženerler olardan ozdurdylar we dronuň özünden halas ediş halkasyny ýasadylar.
Didiok Makings kompaniýasy TY-3R Flying Lifebooy dronyny döretdi. Täze enjam kwadrokopter bilen adaty halas ediş halkasynyň gibridi görnüşindedir.
Halas ediji diňe drony uçuraýmaly, şondan soň apparat heläkçilige uçran adamyň ýanyna özbaşdak uçup barýar we ony howpsuz ýere eltýär.
Dron 720p kamera we uzak aralykdan dolandyryş pulty bilen üpjün edildi. Enjam IP68 goragy arkaly, gysga utgaşma töwekgelçiligi bolmazdan, uçup we suwa gonup biler.
TY-3R Flying Lifebooy iki adama çenli göterip we sagatda 47 km tizlige ýetip bilýär. Şeýle-de bolsa, uçuş uzaklygy 1,1 km bilen çäklenýär.
Adamy halas edenden soň, dron ilki uçan ýerine awtomatiki usulda gaýdyp gelýär.
Drony bütin dünýäde eýýäm öňünden sargyt edip bolýar. TY-3R Flying Lifebooy-yň bahasy 11 803 dollar.
