Google kompaniýasy YouTube Music-de dürli gurluşlarda aýdymlary galan ýerinden diňlemegi dowam etdirmäge mümkinçilik berýän täze funksiýany hödürledi. Bu barada Android Police habar berýär.
Funksiýa programmanyň 8.26.51 wersiýasynda elýeterli we smartfonlarda, planşetlerde, kompýuterlerde, telewizorlarda we web-brauzerde işleýär. Ulanyjy aýdym diňlemegini bir gurluşda togtadyp, ony beýleki bir gurluşda galan ýerinden dowam etdirip biler.
Programmanyň baş sahypasynda aýdymlaryň aşagynda galan ýeriňi görkezýän progres zolagy bar. Dowam etdirmek üçin aýdymy saýlamak ýeterlik.
Funksiýanyň aýratynlygy birbada birnäçe doly diňlenmedik aýdymlary, albomlary we pleýlistleri ýatda saklamagydyr. Ýagny, hyzmat her bir aýdym-saz kolleksiýasy üçin diňleniş ýagdaýyny ýatda saklap, programma başga bir gurluşda açylanda-da, ählisini galan ýerinden dowam etdirýär. Bu hem YouTube Music-i aýdymlary dürli gurluşlarda diňleýän ulanyjylar üçin has amatly edýär.
