Bu tomus möwsüminde Türkiýede Antalýanyň kenarlarynda syýahatçylaryň howpsuzlygy aýratyn gorag astyna alnar. Dynç alyş zolagynyň halas edijileri “Kankuş” dronlar bilen üpjün ediler, bu bolsa gark bolýan adama birnäçe sekundyň içinde halas ediş halkasyny ýetirmäge mümkinçilik berer diýip, Anadolu gullugy habar berýär.
Suwdan gorkmaýan we tizligi sagatda 80 km-e ýetýän dronlar suw bilen barjak halas edijiden sekiz esse çalt (bir ýarym minutyň ýerine 8-10 sekuntda) kömek eder. Bu gaty möhüm, sebäbi gark bolup başlan adamy halas etmek üçin bary-ýogy 50 sekunt galýar.
Geçen ýyl “Kankuşi” Kemeriň kenarlarynda synagdan üstünlikli geçdi we indiki möwsümde 30 myhmanhanada ulanylar. Häkimiýetler bu programmany giňeltmegi we has köp dron satyn almagy, şeýle hem ýerli uniwersitetlerde olara hyzmat etmek üçin hünärmenleri taýýarlamagy meýilleşdirýärler.
Halas ediş guramasy eýýäm şu ugurdan hünäriň eýesi boljak talyplara diplom alanlaryndan soň kepillendirilen iş orunlaryny teklip etdi.
Antalýa her ýylda, takmynan, 16 million syýahatçyny kabul edýär.
