Xiaomi suwda ulanyp boljak täze Bone Conduction 2 nauşniklerini hödürledi. Model Finlýandiýanyň Suunto fitnes-sagat brendi bilen hyzmatdaşlykda döredildi we suwda ýüzmek üçin niýetlenýär. Onuň aýratynlygy, aksessuar sesi gulagyň däl-de, süňküň üsti bilen geçirýär we smartfona birikdirmezden işleýär.
Nauşnikler 32 GB içki ýady bilen öwnüp biler. Aýdymy Bluetooth arkaly geçirmek, soňra oflaýn-režimde diňlemek bolýar. Režimler bir düwmäniň kömegi bilen çalşylýar.
Model ýüzüş trekingi funksiýasyna eýe boldy. Xiaomi-niň nygtaýşy ýaly, ulgam ýüzüş aralygyny we wagtyny ýazga alýar. Algoritm üçin Suunto jogap berýär.
Beýleki aýratynlyklaryň arasynda ýumşak gipoallergen örtügi, IP68 ülňüsi boýunça suwdan gorag, sesi ýatyrmak funksiýasy bolan iki mikrofon bar. Bir zarýadda iş wagty 12 sagada çenli. Gurluş iki sagadyň dowamynda 5 metre çenli çuňluga çümmäge mümkinçilik berýär.
Satuw 21-nji iýulda Hytaýdaky Xiaomi Youpin platformasynda başlady. Nauşnikleriň bahasy 699 ýuan (takmynan, $97). Iki görnüş elýeterli: gara-mämişi we ak-mämişi.
