Amerikaly aktrisa, üç gezek “Oskar” baýragynyň eýesi Meril Strip 14-25-nji maý aralygynda geçiriljek 77-nji Kann film festiwalynyň hormatly myhmany bolar. Film festiwalynyň açylyşy güni kino sungatyna goşan önjeýli goşandy üçin oňa “Altyn palma şahasy” baýragy gowşurylar diýip, Variety habar berýär.
Bu Meril Stripiň Kanndaky ilkinji baýragy däl. 1989-njy ýylda ol “Tümlükden çykan ses” filmindäki işi üçin iň gowy zenan keşbi baýragyny alypdy.
Stripden başga-da, abraýly “Altyn palma şahasy” režissýor Jorj Lukasa (“Ýyldyz söweşleri”) we Ýaponiýanyň Ghibli animasiýa studiýasyna hem gowşurylar.
Režissýor Greta Gerwig (“Barbi”) esasy bäsleşigiň emin agzalarynyň başlygy bolar. Festiwalyň maksatnamasyna Frensis Ford Koppola, Paolo Sorrentino, Dewid Kronenberg we Ýorgos Lantimos ýaly tanymal režissýorlaryň täze işleriniň görkezilmegine garaşylýar.
