Leonardo Di Kaprio şweýsar sagat brendi Rolex-iň ilçileriniň biri boldy. Bu barada kompaniýanyň resmi web sahypasynda habar berilýär.
Aktýor Golliwudyň meşhur işgärleriniň toparyna goşuldy.
Şweýsar brendi onuň kinodaky ajaýyp keşpleri we «daşky gurşawy goramak baradaky işjeň pozisiýasy» barada aýratyn belläp geçdi.
«Di Kaprionyň ekranyň hem içinde hem-de daşynda edýän tagallalaryna dünýädäki möhüm üýtgeşmelere ylham bermek we goşant goşmak islegi ýol görkezýär» — diýip, Rolex-iň beýanatynda aýdylýar.
Di Kaprio Jeýms Kemeronyň «Titanik» filmi bilen tanalyp, bütin dünýäde meşhurlyk gazandy. Ol Martin Skorsezäniň birnäçe filminde surata düşdi we Alehandro Gonsales Inýarritunyň «Diri galan» (Выживший) filmindäki keşbi üçin «Oskar» baýragyny aldy. 1998-nji ýylda aktýor howanyň üýtgemegine garşy göreş gaznasyny döredip, tebigaty goramagyň zerurlygy barada birnäçe dokumental filmleri surata düşürdi. 2014-nji ýylda BMG ony parahatçylygyň ilçisi (habarçysy) edip belledi.
Di Kaprio ilkinji gezek 2024-nji ýylyň ahyrynda Rolex dakynyp ýörkä görüldi. WWD-niň maglumatlaryna görä, ol sagat kolleksiýalary bilen gyzyklanýar, şeýle-de ID Genève brendine maýa goýdy.
Belläp geçsek, režissýorlar Skorseze we Kemeron hem Rolex-iň ilçileri bolup durýarlar. Şeýle-de bu sanawda dirižýor Ýannik Neze-Segen, tennisçi Kris Ewert we çapyksuwar Stiw Gerda hem bar.
