Týago Silwa “Çelsiden” gidýändigini mälim etdi

  • 01.05.2024 13:52
  • 7k+

Londonyň “Çelsisiniň” goragçysy Týago Silwa häzirki möwsümiň ahyrynda klubdan gidýändigini aýtdy. Braziliýaly futbolçynyň habaryny klubuň resmi saýty berýär diýip, “Çempionat” ýazýar.

“Çelsi” meniň üçin örän köp zady aňladýar. Men bu ýerde bir ýyl sarp etmegi meýilleşdiripdim, ahyrynda bolsa dört ýyl galdym. Bu klub diňe bir meniň üçin däl, eýsem maşgalam üçin hem möhümdir.
Meniň ogullarym “Çelsi” üçin oýnaýarlar, şonuň üçin men “Çelsi” maşgalasynyň bir bölegidigime örän buýsanýaryn. Men olar karýerasyny şu ýerde, köp oýunçylaryň isleg bildirýän klubunda dowam etdirip bilerler diýip umyt edýärin.
Men dört ýylyň dowamynda tutuş özümi berdimmikäm diýýän. Ýöne, gynansak-da, ähli zadyň başlangyjy, ortasy we soňy bar. Bu gutarnykly soňudygyny aňlatmaýar. Men geljekde, iň bolmanda, başga bir rolda dolanyp bilerim ýaly gapyny açyk goýaryn diýip umyt edýärin” – diýmek bilen, Silwa günlerde bir gün yzyna dolanmakçydygyny sözüniň üstüne goşdy.

Silwa 2020-nji ýylda “Çelsä” erkin agent hökmünde geçdi, 151 oýna gatnaşyp, Çempionlar ligasynda, Klublaýyn dünýä çempionatynda we UEFA-nyň Super kubogynda ýeňiji boldy.


düýn 19:15
3.8k+

“Galatasaraý” Osimheni türk kluby üçin rekord 75 mln ýewro satyn aldy

Nigeriýanyň milli ýygyndysynyň hüjümçisi Wiktor Osimhen Italiýanyň “Napoli” klubundan “Galatasaraý” türk klubuna geçdi. Bu barada Stambulyň futbol klubunyň resmi saýtynda habar berilýär. 26 ýaşly hüjümçi bilen şertnama dört ýyl möhlet bilen baglaşyldy...

düýn 15:10
5.6k+

Futbol boýunça DÇ-2026-nyň bije çekişigi dünýäniň iň uly şar şekilli zalynda geçer

2026-njy ýylyň futbol boýunça dünýä çempionatynyň toparlaýyn tapgyrynyň bije çekişigi 5-nji dekabrda Las-Wegasda geçiriler. Bellemeli ýeri, şäheriň özi ýaryşyň ýekeje-de oýnuny kabul etmeýär. ESPN-iň maglumatlaryna görä, bije çekişik 17,5 müň tomaşaça niýetlenen dünýäniň iň uly şar görnüşli binasy bolan “Sfera” zalynda geçiriler...

31.07.2025 20:35
4.5k+

IFAB eminlere milli çempionatlarda beden kameralaryny dakynmaga rugsat berdi

Halkara Futbol Assosiasiýasynyň Geňeşi (IFAB) eminler tarapyndan kameralaryň ulanylmagyny makullady diýip, El Partidazo de COPE habar berýär. Kameralar telewideniýäniň teleýaýlymlaryna wideolary geçirmek üçin ulanylar...

31.07.2025 14:14
4.8k+

“Barselona” Kobi Braýantyň hormatyna “Leýkersiň” reňkinde eşik toplumyny hödürledi

“Barselona” 2025/26 möwsümi üçin myhmançylykda geýjek täze eşik toplumyny hödürledi. Köýnekçe gara we benewşe öwüşgin bilen sary reňkde ýerine ýetirildi – ol Kobi Braýantyň çykyş eden “Los-Anjeles Leýkers” basketbol toparynyň reňklerine salgylanýar...