Amerikanyň Gün panelli elektrik awtoulaglaryny öndürýän Aptera Motors korporasiýasy BAE-niň bazary üçin öz üç tekerli awtoulagynyň ýörite görnüşini hödürledi. Ulag Aptera UAE Union Anniversary Edition diýlip atlandyrylýar diýip, Mail.ru ýazýar.
Täze modeliň altyn reňke boýalan uglerod süýümli kuzowy, şeýle hem kebelek gapylary we açarsyz açylýan aýratynlygy bar.
Enjamyň esasy tapawudy Solar Chill aýratynlygydyr. Ol daşardaky temperatura garamazdan, salony salkyn saklamak üçin Gün energiýasyny ulanýar.
Awtoulagyň ýöreýiş ätiýaçlygy 600 km, gün panelleri arkaly günde 60 km-e ýeter ýaly zarýad alyp bilýär. Elektrokaryň ilkinji prototipi 2022-nji ýylda görkezilipdi, ýöne şonda onuň dizaýny birneme üýtgeşik bolup, ýöreýiş ätiýaçlygy bary-ýogy 65 km-di.
Aptera 2026-njy ýyla çenli BAE-ni 53 model bilen üpjün eder, hersiniň bahasy 27 000 dollar bolar.
