TEIF 2024: Parižde Türkmenistanyň göçme halkara maýa goýum forumy tamamlandy

  • 25.04.2024 22:32
  • 3.4k+

Şu gün, 25-nji aprelde Parižde Türkmenistanyň nebitgaz pudagyna daşary ýurt maýa goýumlaryny çekmek boýunça halkara göçme forumynyň (TEIF 2024) ikinji – jemleýji güni öz işini tamamlady.

Bu gün iki sany sessiýa geçirildi: “Arassa energiýa we häzirkizaman infrastruktura ulgamynda taslamalary ilerletmekde maliýe institutlarynyň orny” we “Türkmenistana gurluşyk, gazhimiýa, ulag we kommunikasiýa ulgamlarynda täze taslamalara maýa goýumlary çekmek işini tizleşdirmek”.
Birinji sessiýanyň dowamynda arassa energiýany we “ýaşyl geljegi” ilerletmekde halkara guramalarynyň we maliýe institutlarynyň ornuna garaldy, energetika taslamalaryny maliýeleşdirmekde häzirki zaman ýörelgeleri maslahatlaşyldy, şeýle hem energetika özgertmeleri ulgamynda Türkmenistanyň wezipeleri beýan edildi.
Çykyş edenleriň hatarynda Türkmenistanyň energetika ministri, Merkezi bankyň we Türkmenistanyň Döwlet daşary ykdysady iş bankynyň ýolbaşçylary, şeýle hem daşary ýurt kompaniýalarynyň we maliýe guramalarynyň wekilleri bar.
Ikinji sessiýa gatnaşyjylar gurluşyk, ulag, sanly tehnologiýalar we telekommunikasiýalar ulgamyna ähmiýet bermek bilen, täze infrastruktura taslamalaryna maýa goýumlaryny çekmek meselelerini maslahatlaşdylar.
Şunuň bilen baglylykda, Türkmenistanyň ählumumy logistika ulgamlaryna işjeň goşulýandygy we deňiz, demir ýol, howa daşamalary we hemra aragatnaşygy infrastrukturalaryny kämilleşdirmek boýunça bilelikdäki taslamalary durmuşa geçirmek üçin ulag-kommunikasiýa ulgamyna maýadarlary goldaýar. Şeýle hem täze taslamalar üçin çig mal binýadyny üpjün edýän Türkmenistanyň tebigy serişdeleriniň geologiki barlaglary temasy beýan edildi.
Çykyş edenleriň hatarynda – “Türkmengeologiýa”, “Türkmenhimiýa” DK-laryň, “Türkmenaragatnaşyk” agentliginiň, Fransiýa-Türkmenistan Söwda palatasynyň, Caspian Logistics Solutions kompaniýasynyň ýolbaşçylary, Ýagşygeldi Kakaýew adyndaky Halkara nebit we gaz uniwersitetiniň rektory we beýlekiler bar.
Soňra TEIF 2024 forumyna gatnaşyjylar Türkmenistanyň Prezidentine Ýüzlenme kabul etdiler.
Şunlukda, “Türkmengaz” we “Türkmennebit” döwlet konsernleriniň “Türkmen Forum” hem-de GaffneyCline britan kompaniýasy bilen hyzmatdaşlykda guran göçme maýa goýum forumy öz işini tamamlady.


11.03.2025 00:05
3.6k+

Nebitiň bahalary soňky üç ýylyň iň pes derejesine gaçdy

Nebitiň bahalary düşüp, soňky üç ýylyň iň pes derejesine ýetdi. Muňa söwdagärleriň aladalary sebäp boldy. Olar ABŞ-nyň täze girizýän nyrhlarynyň (gümrük paçlarynyň) dünýäniň ykdysadyýetine we ýangyç islegine täsir...

23.02.2025 11:08
16k+

Hytaýly burawçylar Ýeriň jümmüşine 11 km çuňluga aralaşyp, Aziýada iň çuň guýyny burawladylar

Hytaýda 10 910 metr çuňlukdaky gözleg guýusyny burawlamak işleri üstünlikli tamamlandy. Indi “1-nji belgili Tarim guýusy” Aziýada iň çuň we dünýäde çuňlugy boýunça ikinji guýudyr. Burawlama tas iki ýyllap Takla...

20.02.2025 22:53
2.9k+

BP kompaniýasy Castrol bölümini 10 milliard dollara satmagy göz öňünde tutýar

Britaniýanyň BP nebit ägirdi çalgy materiallaryny öndürýän Castrol bölümini satmak mümkinçiliklerine seredýär. Habarly çeşmelere salgylanýan Bloomberg News-yň bellemegine görä, bu brendiň bahasy 10 milliard dollar...

19.02.2025 17:16
15k+

2025-nji ýylda dünýä döwletlerinde benziniň bahasy näçe?

3-nji fewraldaky ýagdaýa görä, dünýäde bir litr benziniň ortaça bahasy 1,24 amerikan dollary boldy. Bu maglumatlar dünýäniň 169 ýurdunda we sebitinde benziniň bölek satuw bahalaryny yzarlaýan Global Petrol Prices...