Tesla şu wagta çenli satan Cybertruck ulaglarynyň ählisini yzyna çagyrýar

  • 23.04.2024 13:33
  • 16k+

Tesla kompaniýasy şu güne çenli satylan 3 878 Cybertruck elektrik pikaplarynyň hemmesiniň yzyna çagyrylandygyny habar berdi. Yza çagyrmagynyň sebäbi gazyň pedalynyň kemçiligi bilen bagly bolup, awtoulag ýokary tizlige çykanda ony dolandyryp bolmazlygy mümkin diýip, «Коммерсантъ» habar berýär.

Yza çagyryşa Cybertruck-yň eýeleriniň biri tarapyndan goýlan wideo sebäp boldy. Ol ýokary tizlik bilen sürüp barýarka, bezeg metal nakladka gazyň pedalyndan gopup, pedal bilen salonyň daşlygynyň arasyna dykylyp galmak bilen, pedaly petikländigini gürrüň berdi. Sürüji pedaly boşatmagy başardy, ýöne bu waka ABŞ-nyň düzgünleşdiriji guramalarynyň derňewe başlamagyna we Tesla tarapyndan yzyna çagyrylmagyna sebäp boldy.
Cybertruck-yň ähli eýelerine hyzmat merkezine ýüz tutmak maslahat berilýär, bu ýerde kompaniýa “15-40 minudyň içinde” kemçiligi mugt düzeder.
Yza çagyryş Teslanyň paýlaryny 2% arzanlatdy. Cybertruck-yň iberilmeginiň gijä galmagy, şeýle hem elektrik ulaglary bazaryndaky bäsdeşlik sebäpli kompaniýanyň paýnamalary 40%-ni ýitirdi. Muňa jogap edip, Tesla ABŞ-da we Hytaýda Model 3, S, Y-iň we X-iň bahalaryny, takmynan, 2 müň dollar arzanlatdy.


29.07.2025 12:09
3.5k+

BYD Galaxy Watch akylly sagatlaryny öz ulaglary üçin açar edip ulanar ýaly etdi

Hytaýyň BYD awtoulag öndürijisi hytaý brendleriniň içinde ilkinji bolup Samsung Galaxy Watch akylly sagatlarynda sanly düwmelere goldawy ornaşdyrdy. NFC tehnologiýasyny ulanýan bu funksiýa häzirlikçe diňe Hytaýda bar, ýöne geljekde beýleki bazarlarda hem peýda bolup biler diýip Sammobile ýazýar...

28.07.2025 13:47
3.6k+

Toyota Indoneziýada bZ4X elektrokrossoweriniň önümçiligine başlar

Toyota kompaniýasy Indoneziýada täzelenen bZ4X elektrik krossoweriniň ýerli önümçiliginiň başlandygyny habar berdi. Bu barada GIIAS 2025 awtoulag sergisinde öndürijiniň wekilleri habar berdiler. Bu markanyň ýurtda ýygnalýan ilkinji elektrik ulagy bolar...

24.07.2025 10:35
8.7k+

Huawei täze Luxeed R9 krossowerini synagdan geçirýär, ýöne kynçylyklar bar

Huawei-iň Chery bilen hyzmatdaşlykda döreden Luxeed R9 flagman elektrik krossoweri ilkinji gezek ýol synaglary wagtynda görüldi. Modeliň ilkinji görkezilişi noýabr aýyna meýilleşdirildi. Awtoulagyň dizaýnynda brendiň firma stili görkezilýär: ýaýbaň kapot, "Starlight" bezeg elementleri we uniwersaly ýada salýan uzap gidýän kuzow...

21.07.2025 19:15
6.5k+

Tesla her 1,5 minutda bir Model 3 satýar. Eýýäm 3 mln ulag satyldy

Tesla täze sepgide ýetendigini habar berdi: ilkinji gezek hödürlenenden bäri 7 ýylyň dowamynda bütin dünýäde 3 mln Model 3 awtomobili satyldy. Kompaniýanyň wekilleriniň aýtmagyna görä, “ortaça her 1,5 minutda bir ulag satylýar” – diýip, Autohome ýazýar...