TikTok-yň ýyldyzlarynyň söweşinde “Gaýa” lakamly Dueýn Jonson kärdeşi Uill Smiti birinji ýerden yza süýşürdi. Ginnesiň rekordlar kitabynyň saýtyndaky habara görä, "Gaýa häzirki wagtda TikTokda 74,4 million abunaçysy bolan iň halanýan aktýordyr.
Uill Smit 2022-nji ýyldan bäri öňdebaryjy bolup gelýärdi, ol 74 million abunaçysy bilen “Moana” ýyldyzyndan yza galmaýar.
Ýaňy-ýakynda göreş karýerasyna täzeden başlap, WWE-a gaýdyp gelen Jonson özüniň TikTok kanalynda meşhurlaryň sahnanyň aňyrsyndaky durmuşyny görkezmek bilen, janköýerlerini yzygiderli begendirip durýar. Mundan başga-da, ol sport zalyndaky türgenleşikleriniň wideolaryny ýygy-ýygydan ýerleşdirýär, derä serenjam beriji Papatui önümlerini müşderilere hut özi eltip bermek bilen, olary geň galdyrýar we işini Make-A-Wish gaznasy (agyr hassa çagalaryň islegini amala aşymaga kömek edýän halkara haýyr-sahawat gaznasy) bilen paýlaşýar.
Bu Jonson bilen Smitiň rekord üçin ilkinji gezek söweşişi däl. 2015-nji ýylda “Gaýa” üç minutda jemi 105 sany selfi edip rekord goýupdy. Bu at köp ýyllaryň dowamynda yzly-yzyna, iňlis futbolçysy Alan Şerer (134) ýaly, dürli meşhur adamlara geçdi. Soňra Uill Smit bu rekordy 168 selfä çenli artdyrdy. Şeýle-de bolsa, häzir çempionlyk jemi 184 selfi bilen Bolliwudyň ýyldyzy Akşaý Kumara degişlidir. Aktýor üç minutda 209 gezek surata düşdi, ýöne kazylar hiliniň pesligi sebäpli olaryň käbirini hasaba almadylar.
