Daily Mail-iň habaryna görä, «Mançester Siti» toparynyň hüjümçisi Erling Holand saç üçin rezinleri öndürmek bilen meşgullanýan kompaniýa maýa goýdy. Dünýä futbolynda iň gowy hüjümçileriň biri Norwegiýanyň Bon Dep brendiniň paýly maýadarlarynyň biri boldy. Holandyň saçy üçin Kknekki atly rezin ulanýandygy mälimdir.
«Bon Dep-iň paýdary bolanyma buýsanýaryn. Kknekki ençeme ýyl bäri iň halaýan saç üçin rezinimdir we şübhesiz ol dünýäde iň gowusydyr» diýip, çeşme futbolçynyň sözlerine salgylanýar.
Bon Dep häzirki ýyllyk 7 million ýewro barabar dolanyşygy iki esse artdyrmagy meýilleşdirýär we Holandyň işjeň gatnaşmagynyň önümleriniň satuwyna itergi berip biler diýip umyt edýär.
Holand 2022-nji ýylyň tomsunda Dortmundyň «Borussiýasyndan» «Mançester Siti» toparyna geçdi. Täze klubdaky ilkinji möwsüminde norwegiýaly hüjümçi Angliýanyň premýer-ligasynda bir möwsümde salan gollarynyň sany boýunça rekord goýdy – 36 gol. Häzirki möwsümde norwegiýaly futbolçy iň köp gol geçiren futbolçylaryň sanawynda öňdeligi eýeleýärler – onuň we «Çelsiniň» oýunçysy Koul Palmeriň 20 goly bar.
