2025-nji ýylyň Toyota Camry awtomobili ABŞ-da satylyp başlandy we bahalar 29 495 dollardan başlaýar. Bu baha diňe esasy LE komplektasiýaly awtomobili satyn alyp bolýar diýip, Motor1.com neşiri ýazýar.
Habar berlişi ýaly, bu köne esasy Camry-nyň bahasyndan, takmynan, 2 müň dollar gymmatdyr, ýöne indi adaty komplektasiýa gibrid güýç gurluşy girýär.
Premium Plus bukjaly we iki reňkli bolan iň ýokary derejeli Toyota Camry 2025 SE AWD-yň bahasy 42 220 dollara barabar. Şeýle-de, birnäçe aralyk wariantlar bar.
Toyota Camry 2025 2,5 litrlik dört silindrli hereketlendirijä esaslanýan gibrid ulgamy bilen üpjün edildi. Awtomobil täzelenen dizaýna we Toyota-nyň sürüjä kömek bermek boýunça iň täze tehnologiýalaryna eýe boldy.
