UEFA ýewrokuboklaryň finallary üçin petek bahalaryny yglan etdi

  • 11.04.2024 18:53
  • 12826
UEFA ýewrokuboklaryň finallary üçin petek bahalaryny yglan etdi

Ýewropanyň Futbol Assosiasiýalarynyň Birleşigi (UEFA) resmi saýtynda häzirki möwsümiň ýewrokuboklarynyň final oýunlary üçin petekleriň satylyp başlanandygyny habar berdi. Bu barada RIA Nowosti ýazýar.

Çempionlar ligasynyň finaly
1-nji iýunda Londonyň “Uembli” stadionynda geçiriljek Çempionlar ligasynyň finaly üçin iň arzan petekler 70 ýewro bolar. Stadion jemi 90 müň tomaşaçyny sygdyrýar, dünýäde satyn almak üçin bolsa 60 müň petek elýeterlidir. Finala gatnaşyjy toparlaryň her biri janköýerler üçin 25 müň petek alar.
Çempionlar ligasynyň finaly üçin petekleriň bahasy kategoriýa baglydyr:

  • · Dördünji kategoriýa: 70 ýewro
  • · Üçünji kategoriýa: 190 ýewro çenli
  • · Ikinji kategoriýa: takmynan, 500 ýewro
  • · Birinji kategoriýa: azyndan 710 ýewro

Ýewropa ligasynyň finaly
Ýewropa ligasynyň finaly 22-nji maýda Irlandiýadaky 50 müňden gowrak tomaşaçyny sygdyrýan “Dublin Arenada” geçiriler.
Ýewropa ligasynyň finaly üçin petekleriň bahasy:

  • · Dördünji kategoriýa: 40 ýewro
  • · Üçünji kategoriýa: 65 ýewro
  • · Ikinji kategoriýa: 100 ýewro
  • · Birinji kategoriýa: 150 ýewro

Finala çykan toparlaryň her biri 12 müň petek alar.

Konferensiýalar ligasynyň finaly
Konferensiýalar ligasynyň finaly 29-njy maýda Afinydaky 30 müňden gowrak tomaşaçyny sygdyrýan AEK meýdançasynda geçiriler.
Ýaryşyň finaly üçin petekleriň bahasy:

  • · Dördünji kategoriýa: 25 ýewro
  • · Üçünji kategoriýa: 45 ýewro
  • · Ikinji kategoriýa: 85 ýewro
  • · Birinji kategoriýa: 125 ýewro

Gatnaşyjy toparlar öz janköýerleri üçin 9 müň petek alar.

UEFA-nyň Super kubogynyň finaly
UEFA-nyň Super kubogynyň finaly 14-nji awgustda Polşada Warşawadaky Milli stadionda geçiriler. Stadionyň sygymy – 58 müňden gowrak tomaşaçy.
UEFA-nyň Super kubogynyň finaly üçin petekleriň bahasy:

  • · Üçünji kategoriýa: 30 ýewro
  • · Ikinji kategoriýa: 80 ýewro
  • · Birinji kategoriýa: 130 ýewro

Ýewrokuboklaryň final oýunlary üçin petekleri UEFA-nyň resmi saýtynda satyn alyp bolar.


düýn 17:29
5522

Russiýaly derwezeban Matweý Safonow “PSŽ-ä” geçdi

“Krasnodaryň” we Russiýanyň milli ýygyndysynyň derwezebany Matweý Safonow “Pari Sen-Žermene” geçdi. Fransuz kluby 25 ýaşly derwezeban bilen 2029-njy ýyla çenli möhlet bilen şertnama baglaşylandygyny resmi taýdan...

düýn 15:37
4082

Ýewropada täze tälimçiler: Terziç “Borussiýany” terk etdi, Fonseka “Milana” tälimçi boldy

Ýewropanyň öňdebaryjy ligalarynyň birnäçe kluby tälimçiler düzümindäki üýtgeşmeleri yglan etdiler. Şeýlelikde, germaniýaly hünärmen Edin Terziç taraplaryň özara ylalaşygy bilen Dortmundyň “Borussiýasynyň” baş tälimçisi...

düýn 09:03
11611

Ýewro-2024-üň açylyş oýnunda Germaniýa Şotlandiýany uly hasap bilen ýeňdi

Germaniýa Şotlandiýany 5:1 hasabynda ýeňip, öz ýerinde geçirilýän Ýewro-2024-e ynamly başlady. Çempionatyň açylyş oýnunda nemes toparynyň düzüminde Florian Wirs (10), Jamal Musiala (19), Kaý Hawerts (45+1, pen...

14.06.2024 16:48
9344

Türkmen futbolçylary U20 we U17 Aziýanyň Kubogy – 2025-iň saýlama ýaryşyndaky garşydaşlaryny bildiler

Kuala-Lumpurda (Malaýziýa) Aziýanyň Futbol Konfederasiýasynyň öýünde ýetginjekler we ýaşlar ýygyndylarynyň arasynda futbol boýunça Aziýanyň Kubogy – 2025-iň saýlama ýaryşynyň bije çekişligi boldy.     Türkmenistanyň...