Çempionlar ligasynyň 1/4 finalynyň birinji oýnunda “Barselona” myhmançylykda “Pari Sen-Žermeni” 3:2 hasabynda utdy.
Kataloniýalylaryň düzüminde Rafinýa iki gol bilen tapawutlandy (37-nji, 62-nji minutlar), ýene bir goly meýdança çykan badyna Andreas Kristensen (77) geçirdi. “PSŽ-niň” düzüminde gollary Usman Dembele (48) we Witor Ferreýra (50) girizdi.
Madridiň “Atletikosy” Dortmundyň “Borussiýasyndan” üstün çykdy. Ispaniýada geçirilen oýun 2:1 hasabynda tamamlandy.
“Atletikonyň” düzüminde Rodrigo de Paul (4) we Samuel Lino (32), “Borussiýadan” Sebastýan Aller (81) gol bilen tapawutlandy.
Bu toparlaryň arasyndaky jogap oýunlary 17-nji aprele geçilýän gije bolar.
