2024-nji ýylyň aprel aýynda Awstraliýanyň Halkara neýromorf ulgamlar merkezi neýromorf hasaplaýyş pudagynda rewolýusion ädim boljak Deep South superkompýuterini işe girizmegi meýilleşdirýär. Bu barada gizmochina salgylanyp, ixbt.com habar berýär.
Çeşme Deep South-yň diňe beýnä däl, eýsem tutuş adam bedenine “öýkünýändigini” belleýär. Adaty elektronikadan tapawutlylykda, Deep South maglumatlary saklamagy we işlemegi birleşdirip, beýniniň netijeliligini görkezýär. Şol bir wagtyň özünde, superkompýuter adam beýnisinden 2000 esse çalt işläp, sekuntda 228 trillion amaly ýerine ýetirer.
Bu superkompýuteriň döredilmegi alymlara diňe bir adam beýnisiniň işleýşine has çuň düşünje bermek bilen çäklenmän, eýsem newrologiýa kesellerini öwrenmek üçin täze mümkinçilikleri açdy.
Superkompýuter gözlegçilere şu aşakdakylara mümkinçilik berer:
- - Newrologiýa näsazlyklarynyň sebäplerini takyk anyklamak üçin neýronlaryň arasyndaky baglanyşygy seljermäge;
- - Okuw prosesini wizuallaşdyrmaga;
- - Dermanlaryň we garramagyň beýniniň işine täsirini öwrenmäge.
Deep South-yň neýrobiologiýa, lukmançylyk, emeli aň we beýleki pudaklarda gözlegler üçin güýçli gural bolmagyna garaşylýar. Superkompýuter düýbünden täze hasaplaýyş ulgamlarynyň döremegine getirip biler.
