Kewin Kostneriň Amerikanyň raýat urşunyň ilkinji ýyllary we ýurduň günbatar serhedinde ýaşaýan ýerli amerikan halklary barada gürrüň berýän “Gözýetimleri” 77-nji Kann film festiwalynyň meýilnamasyna goşuldy. Filmiň ilkinji görkezilişi 19-njy maýda bolar diýip, kino görkezilişiniň guramaçylarynyň saýtyna salgylanýan Film.ru habar berýär.
Taslamada baş keşbi ýerine ýetirýän Kostner “Gözýetimleriň” üstünde 1980-nji ýyllaryň ortalaryndan bäri işleýär. Ol iň soňky gezek filmini Kannda 2003-nji ýylda hödürledi ("Açyk giňişlik").
Täze taslamada Sienna Miller, Sem Wortington, Jena Meloun, Lýuk Wilson, Jowanni Ribizi, Denni Hýuston we başgalar hem surata düşdüler.
2024-nji ýyldaky Kann halkara film festiwaly 14-25-nji maý aralygynda geçiriler. Maksatnama 11-nji aprelde yglan ediler. Açylyşda Lea Seýdunyň oýnamagynda “Ikinji akt” komediýasy görkeziler. Şeýle hem bäsdeşlikden daşarda Jorj Milleriň “Furioslar” filminiň dünýäde ilkinji görkezilişi bolar.
