Jeýms Bond baradaky indiki – hasap boýunça 26-njy filmiň ssenarisini “Kesgir gaşlar” (Острые козырьки) serialynyň üstündäki işi bilen tanalýan britaniýaly ssenariçi Stiwen Naýt ýazar. Bu barada Variety neşiri habar berdi.
Taslamanyň režissýory Deni Wilnýow (“Dýuna”) bolar. 007 agentiniň keşbini kimiň ýerine ýetirjekdigi häzirlikçe belli däl. Mümkin bolan dalaşgärleriň arasynda Jeýkob Elordi, Tom Holland we Harris Dikinson agzaldy.
Filmiň önümçiligi bilen Amazon MGM Studios meşgullanar. Prodýuserler bolup Emi Paskal (“Möý adam”) we Dewid Heýman (“Garri Potter”) çykyş eder. Filmiň takyk çykjak senesi entek yglan edilmedi.
Stiwen Naýt “Gündogar wadalary” (Порок на экспорт) filminiň, “Mariýa” we “Spenser” biografik filmleriniň, şeýle-de “Tabu” serialynyň üstündäki işleri bilen hem bellidir. Şu ýyl Netflix-de Naýtyň ssenarisi boýunça “Kesgir gaşlaryň” doly metražly dowamynyň çykmagyna garaşylýar.
