Maý aýyndan başlap Meta amerikan korporasiýasy emeli aň tarapyndan döredilen mazmun üçin ýörite bellik girizýär. Emeli aň mazmunyna bellik kompaniýa degişli Facebook, Threads we Instagram programmalarynda goýlar. Bu barada kommersant.ru habar berýär.
“Emeli aňyň kömegi bilen döredilen” belligini ulanyjylar, şeýle-de neýroulgamlaryň işiniň alamatlaryny ýüze çykarsa, kompaniýanyň özi-de goýup biler. Öň, Meta neýroulgamlar tarapyndan döredilen adamlary saklaýan wideolary, eger olar wideoda durmuşda etmeýän zatlaryny edýän bolsalar, gadagan edipdi. Indi dipfeýklerden başga-da, neýroulgamlardan başga köp sanly mazmunlar peýda boldy, şonuň üçin kompaniýa syýasatyna täzeden garamak kararyna geldi.
Meta söz azatlygyny çäklendirmekde aýyplamalaryň bolmagyny islemeýär, şonuň üçin şeýle mazmunlary gadagan etmän, bellik bilen tapawutlandyrmak kararyna geldi. Eýýäm häzir neýroulgamlardan fotorealistik şekillere bellik edilýär, geljekde wideo- we audio-mazmunlara hem şeýle bellik goýlar.
