Intuitive Machines-iň bökegen roboty Aýda suw we baza üçin ýer gözlemäge gider

  • 09.04.2024 14:27
  • 4.7k+

Amerikanyň Intuitive Machines başlangyjy Aýyň günorta polýusynda kyn ýerleri öwrenmek üçin South Pole Hopper robotyny döreder. Naked Science-iň berýän habaryna görä, robot suw gözlär, sebitiň geologiki aýratynlyklaryna baha berer we regoliti öwrener.

South Pole Hopper agramy 35 kilogram we beýikligi 70 santimetr bolan kiçijik awtonom apparat. Ol takyk gonuş ulgamy, kameralar, infragyzyl datçikler we neýtron spektrometr bilen üpjün ediler.
Robot bäş-alty böküş eder. Birinjisi, 20 metrlik “giriş böküşi”, ikinjisi bolsa 100 metrlik böküş inženerler toparyna robotyň tehniki ýagdaýy barada maglumat almak üçin zerurdyr. Soňra iň uzyn 300 metrlik böküş Marston krateriniň gyrasyna çenli bolar, onuň yzyndan krateriň özüne böker, kölegeli ýere girer, soň bolsa robot dag gerşine gaýdyp geler. Eger ýangyjy ýetse, South Pole Hopper altynjy böküşini eder, şol döwürde enjam daş-töweregi öwrener.
Robot radiasiýadan goraljak hem-de suw we energiýa bilen üpjün ediljek geljekki Aý bazasy üçin ýer saýlamaga kömek eder.
South Pole Hopper şu ýyl taýýar bolar we eger hemme zat meýilleşdirilişi ýaly gitse, ol noýabr-dekabr aýlarynda Aýyň üstünde bolar.


düýn 11:53
3.7k+

Alymlar Atlantika ummanynda mega ýertitremeler zolagyny açdylar

Atlantika ummanynda güýçli ýertitremelerine we sunamilere sebäp bolup biljek tektoniki jaýryklar emele gelýär diýip, Nature Geoscience  žurnalynda çap edilen barlagyň netijesinde aýdylýar. Alymlar Portugaliýanyň litosfera plitalaryndaky belli jaýryklardan uzakda ýerleşýändigini, ýöne bu ýurtda ýertitremeleriniň ençeme gezek hasaba alnandygyny ýatlatdylar...

31.08.2025 08:48
8.8k+

Koloradoda dinozawrlardanam has gadymy pyşbaganyň görnüşi tapyldy

Paleontologlar Chelydridae maşgalasyndan bolan pyşbagalaryň ozal näbelli sütün öýjükli neslini  we görnüşini tapdylar. Olary Koloradodan tapylan bitin çanagyna we beýleki galyndylaryna esaslanyp suratlandyrmak başartdy...

26.08.2025 13:37
9.7k+

Müsürde suwdan gadymy Kanopus şäheriniň bölekleri çykaryldy

Müsür häkimiýetleri Aleksandriýanyň golaýynda Abu-Kir aýlagynda ýerleşen suwa giden gadymy şäheriň böleklerini gury ýere çykardy diýip, The Guardian habar berýär. Bu Müsüri tas 300 ýyl dolandyran Ptolemeý nesilşalygynyň dolandyran we 600 ýyl töweregi ýurdy dolandyran Rim imperiýasynyň döwründe möhüm merkeze öwrülen Kanopus şäheri hasaplanýar...

26.08.2025 13:26
5.2k+

Paleontologlar dinozawrlaryň ýelken şekilli arkasy bolan täze görnüşini açdy

Paleontologlar dinozawrlaryň ýelken şekilli arkasy bolan täze görnüşini açdy. Istiorachis macarthurae adyny alan bu jandarlar 120 mln ýyldan gowrak ozal Angliýanyň günorta kenaryndan uzak bolmadyk ýerde ýaşapdyr diýip, Londondaky Tebigy taryh muzeýine salgylanyp, CNN habar berýär...