Red Magic oýun brendi smartfony bary-ýogy 30 sekuntda 30 dereje sowadyp bilýän täze Cooler 5 Pro kulerini hödürledi. Ol, aýratynam, ykjam oýunlaryň muşdaklary üçin peýdaly bolar diýip, Hi-Tech ýazýar.
Gajet iOS we Android enjamlary bilen gabat gelýär we onuň işleýşi MagSafe magnitli gurnama tehnologiýasyna esaslanýar.
Cooler 5 Pro smartfonyň temperaturasyna uýgunlaşýan emeli aňly termiki gözegçilik bilen enjamlaşdyrylandyr. Enjam Nubia kompaniýasy tarapyndan döredildi.
Resmi maglumatlar kuleriň 30 sekuntda temperaturany 28° C-dan 0°C-a çenli peseldip biljekdigini aýdýar.
7 ganatly ýelpewaç minutda 5500 aýlaw edýär, sesi bolsa 35 dB-den geçmeýär. 3D VC suwuk sowadyşyň meýdany 3060 inedördül mm.
Red Magic Cooler 5 Pro-da batareýa ýok, şonuň üçin ony smartfona ýa-da daşky zarýad berijä birikdirmeli.
Enjamyň bahasy arka klipssiz 59 funt sterling, klipsli 64 funt sterling.
Red Magic Cooler 5 Pro-nyň satuwy 2024-nji ýylyň 15-nji aprelinde başlar.
