Birinji uikendiň jemi boýunça “Godzilla we Kong: Täze imperiýa” filmi dünýäde 194 mln dollar gazandy. Netijede, film 2024-nji ýylda iň gowy başlangyjy görkezip, ilkinji dynç günleri 178 mln dollar gazanan Deni Wilnýowyň “Dýuna 2” filminden öňe geçdi. Bu barada championat.com habar berýär.
Film, esasan, ABŞ-da köp gazandy – takmynan, 80 mln dollar. Onuň yzyndan Hytaý ($44 mln), Meksika ($12,8 mln) we Hindistan ($5,5 mln) gelýär. Häzir “Täze imperiýa” “Dýuna 2-den” (häzirki wagtda 626 mln dollar) we “Kung-fu Panda 4-den” (häzirki wagtda 347 mln dollar) öňe geçmek mümkinçiligi bilen 2024-nji ýyl üçin rekord ýygymy gazanmagyň ugrunda. Tomaşaçylar lenta “A” bahany berdiler – bu bolsa söweşli film üçin örän ýokary görkezijidir.
“Godzilla we Kong: Täze imperiýa” Legendary Pictures-iň MonsterVerse franşizasynda eýýäm bäşinji kartinadyr. Film iki mifiki jandaryň arasyndaky gapma-garşylyk hakynda gürrüň berýär.
