Täze nesil Apple iPad Pro planşetleriniň önümçiliginiň kesilmeginiň sebäbi belli boldy. Bu barada SamMobile habar berdi.
Abraýly çeşmeler ozal Apple kompaniýasynyň mart aýynyň ahyryna täze nesil planşetini hödürlejekdigini habar beripdiler. Şeýle-de bolsa, iPad Pro-nyň yglan edilmegi ýatyryldy. Bar bolan maglumatlara görä, bu Samsung önümçiligindäki kemçilik bilen baglanyşyklydyr.
Maglumatda koreý korporasiýasynyň amerikan hyzmatdaşyny talabalaýyk hilli OLED panelleri bilen üpjün edip bilmeýändigi aýdylýar. Şol sebäpli Apple LG Display-e ýüz tutmaly boldy. Şonuň üçin LG aprel aýynda önümçilik kuwwatyny ep-esli ýokarlandyrar.
Samsung-yň kynçylyklary sebäpli LG Display-e Apple-iň sargytlarynyň 60 göterimi iPad Pro bilen baglanyşykly sargytlardan ybarat bolar. Täze planşetleriň esasy aýratynlygynyň OLED displeýiniň bolmagydyr – ol adaty IPS panelinden has ýagty we ýokary hilli hasaplanýar. Täze nesil planşetleriň maý aýynda çykmagyna garaşylýar.
