Halkara küşt federasiýasynyň (FIDE) täzelenen reýtingi neşir edildi. Erkekleriň reýtinginde ilkinji onlukda hiç hili üýtgeşme bolmady diýip, TASS belleýär. Sanawda öňdebaryjylygy norwegiýaly grossmeýster Magnus Karlsen (2830 utuk) saklaýar. Şeýle-de, liderleriň üçlügine amerikalylar Fabiano Karuana (2803) we Hikaru Nakamura (2789) girýär.
Olaryň yzyndan Özbegistandan Nodirbek Abdusattarow (2765), hytaýly Din Ližen (2762), Fransiýanyň wekili Alireza Firuja (2760) we russiýaly Ýan Nepomnýaşiý (2758) gelýär.
Zenanlaryň arasynda birinji orny hytaýly Hou Ifan (2632) saklaýar. Ikinji orunda onuň watandaşy Szýuý Wenszýun (2559) ýerleşýär. Üçlügi 2553 utuk bilen russiýaly Aleksandra Gorýaçkina jemleýär.
Erkekleriň we zenanlaryň arasynda dalaşgärler ýaryşy 4-nji aprelden 21-nji aprel aralygynda (taý-breýk bolan ýagdaýynda 22-nji aprel aralygynda) Torontoda geçiriler. Açylyş dabarasy 3-nji aprelde bolar.
Dalaşgärler ýaryşynyň ýeňijileri häzirki dünýä çempionlary – Magnus Karlsen we Hou Ifan bilen küşt täçleri ugrunda bäsleşmäge hukuk gazanarlar.
