Günorta Koreýanyň Tegu Kýonbuk Ylym we tehnologiýalar institutynyň alymlary daşky gurşawdaky howply himiki maddalary ýüze çykarmak tehnologiýasyny işläp düzdüler. Bu usul datçikleriň reňkini seljermek üçin adaty smartfon kamerasyny ulanmagy göz öňünde tutýar.
Topar datçikleri metal-organiki çarçuwaly material esasynda düzdi. Enjamlar dürli uçujy organiki birleşmelere (UOS) sezewar bolanda reňkini üýtgedýärler. Olar 14 dürli UOS-nyň biri bilen galtaşanda dürli reňklerde bolýan alty dürli erginiň kömegi bilen döredildi.
Gözlegçiler ykjam telefonynyň kömegi bilen reňk üýtgemelerini seljerip, ýörite enjamlar bolmazdan tanamak kyn bolan zyýanly birleşmeleriň pes konsentrasiýalaryny hil we mukdar taýdan kesgitläp bildiler.
Bilermenleriň bellemegine görä, datçikler daşky gurşawyň hapalanmagyny kesgitlemek we gazyň syzmagynyň öňüni almak ýaly dürli maksatlar üçin ulanylyp bilner.
Taslamany döredijileriň pikiriçe, olaryň tehnologiýasyny gaz syzyşlaryny ýüze çykarmakdan başlap, adam tarapyndan döredilen betbagtçylyklaryň we hatda terrorçylykly hüjümleriň öňüni almakda giňden peýdalanmak mümkinçiligi bar.
