Gaumont fransuz kinostudiýasy Guççi maşgalasy, Gucci moda brendiniň döredijileri we eýeleri barada serial çykarar. Bu barada Numero salgylanyp, daily.afisha.ru ýazýar.
Taslamanyň üstünde tanymal maşgalanyň wekilleri işlär. Olar meşhur garyndaşlary bilen baglanyşykly wakalar barada öz garaýyşlaryny hödürlemek isleýärler.
Şouwy döretmek bilen Jorjo Guççi tarapyndan esaslandyrylan Alcor Film prodakşen-kompaniýasy meşgullanar. Gaumont serialyň ideýasynyň hut şoňa degişlidigini belleýär.
"Biz Jorjo Guççiniň we onuň maşgalasynyň global üstünligi italýan kämilligi we maşgala bilen aýrylmaz baglanyşykly bolan dünýäde iň meşhur brendleriň biriniň taryhynyň üstünde işlemek pikirini uly höwes bilen kabul etdik" diýip, studiýa belleýär.
Taslama 1921-nji ýylda Florensiýada deri ýantorbalarynyň dükany hökmünde dörän Gucci moda öýüniň döredilmegine ünsi jemlär. Onuň haçan ekrana çykjakdygy heniz belli däl.
