Xiaomi kompaniýasy ilkinji awtomobili SU7-niň satuwynyň başlamagy bilen bir wagtda täze brendini hödürledi. Täze Xiaomi Life brendi ýokary hilli periferiýa gurluşlaryny we aksessuarlaryny döretmek bilen meşgullanar. Bu barada ixbt.com habar berýär.
Xiaomi Life önüm hatary bir umumy häzirkizaman stilinde ýerine ýetiriljek egin-eşikleriň, başgaplaryň, moda aksessuarlarynyň, kürüşgeleriň, ýantorbalaryň we rýukzaklaryň ähli görnüşlerini öz içine alar. Käbir harytlar Xiaomi-niň ilkinji elektromobiliniň eýeleri üçin niýetlenen awtomobil aksessuarlary bolar.
Ilkinji önümleriň arasyndan, takmynan, 12 ýewro ak ýa-da gara köýnekçäni, polo-köýnekçesini, birnäçe kepkalary we torbalary bellemek bolar. Xiaomi Life SU7 bilen gabat gelýän reňklerde birnäçe çaşka bilen ilkinji gezek hödürlener. Oňa emeli deriden ýasalan ýantorba hem-de şol bir stilde rýukzak hem goşulýar.
Bu brendiň döredilmegi Xiaomi-niň ilkinji elektromobiliniň töwereginde tutuş bir jemgyýeti döretmek synanyşygy ýalydyr. Eýýäm häzir Xiaomi-niň diňe elektromobilleri, smartfonlary we hojalyk tehnikasyny satmakdan başga-da uly maksatlarynyň bardygy aýdyň görnüp dur.
