19-njy awgustda Xiaomi kompaniýasy ikinji çärýekde umumy girdejisiniň 116 mlrd ýuana ($16,1 mlrd) ýetendigini habar berdi. Bu görkeziji analitikleriň öňünden çak edeninden (114 mlrd ýuan) ýokary bolup, kompaniýanyň taryhyndaky iň ýokary netije boldy.
Geçen ýylyň degişli döwri bilen deňeşdirilende, girdeji 30% artdy. Arassa girdeji bolsa 11,8 mlrd ýuan ($1,64 mlrd) bolup, geçen ýyla garanyňda 134% ýokarlandy.
Maliýe görkezijileriniň gowulaşmagyna diňe smartfonlaryň däl, eýsem, elektromobilleriň hem satuwy täsir etdi. Geçen ýylyň ikinji çärýeginde elektromobiller umumy girdejiniň diňe 7%-ini, smartfonlar bolsa 93%-ini düzse, häzirki wagtda elektromobilleriň paýy 18%-e ýetip, smartfonlaryň paýy 82%-e çenli azaldy.
