Meşhur kanadaly aktýor Raýan Gosling hususy General Admission prodýuserlik kompaniýasyny işe girizdi. Bu barada Variety habar berýär.
General Admission-yň egindeş esaslandyryjysy hökmünde öň Apple-de özboluşly filmleri işläp taýýarlamak bilen meşgullanan Jessi Henderson çykyş eder.
Kompaniýanyň ilkinji hyzmatdaşy Amazon MGM studiýasy boldy. Üçýyllyk şertnamanyň çäklerinde Gosling diňe bir surata düşmän, eýsem kinoteatrlar we Amazon Prime Video akym hyzmaty üçin täze özboluşly taslamalara prodýuserlik eder.
General Admission-yň hem awtorlyk, hem täjirçilik taslamalaryny çykarmagyna garaşylýar.
Gosling köp sanly baýraklaryň, şol sanda “Altyn globus” baýragynyň eýesi we üç “Oskaryň” hem bir “BAFTA-nyň” dalaşgäridir. Ol “Ýat gündeligi”, “Ýarym-Nelson”, “Draýw” ýaly filmlerdäki keşpleri bilen tanalýar. 2023-nji ýylda Gosling karýerasynda iň girdejili film bolan “Barbide” Keniň keşbini ýerine ýetirdi. 2024-nji ýylyň maý aýynda ekrana onuň gatnaşmagynda “Kaskadýorçylar” komediýasy çykar.
