Aşgabatda “Parahat — 7” ýaşaýyş toplumynda 864 hojalyga niýetlenen 20 sany 9 gatly nobatdaky döwrebap ýaşaýyş jaýlary, 720 orunlyk umumybilim berýän mekdep, seýilgäh we awtomobil ýollary gurlar. Degişli teklibi 29-njy martda Hökümet mejlisiniň barşynda Prezident Serdar Berdimuhamedow goldady.
Mejlisiň barşynda wise-premýer B.Annamämmedowyň bellemegine görä, “Türkmenistanyň Prezidentiniň ýurdumyzy 2022 — 2028-nji ýyllarda durmuş- ykdysady taýdan ösdürmegiň Maksatnamasyny” ýerine ýetirmegiň çäklerinde “Parahat — 7” ýaşaýyş toplumynda 20 sany 9 gatly döwrebap ýaşaýyş jaýyny, 720 orunlyk umumybilim berýän mekdebi, seýilgähi we awtomobil ýollaryny gurmak meýilleşdirilýär.
