ABŞ-da diri adama ilkinji gezek doňzuň böwregi üstünlikli geçirildi

  • 26.03.2024 10:17
  • 16k+

Amerikanyň Birleşen Ştatlarynda genetiki taýdan üýtgedilen doňuz böwregi ilkinji gezek diri adama üstünlikli geçirildi. Operasiýa Massaçusets hassahanasynda geçirildi we dört sagatlap dowam etdi.

Hassahananyň web sahypasynda habar berlişine görä, 62 ýaşly näsag Riçard Sleýman böwrek keseliniň soňky stadiýasynda ejir çekipdir. 2018-nji ýylda oňa aradan çykan adamynyň böwregini oturtdylar, ýöne ol işlemän başlady.
Transplantasiýa üçin donor doňuzdan alnan böwrek ulanyldy, onuň genomyndan bitişmezligine sebäp bolup biljek genler aýryldy, ylalaşyp gitmegi üçin adam genleri goşuldy. Alymlar adamlara ýokaşma ähtimallygyny aradan aýyrmak üçin donor doňzuň endogen retrowiruslaryny hereketsizleşdirdiler. 69 sany üýtgeşmäniň edilendigi bellendi.
2023-nji ýylda hirurglar şuňa meňzeş operasiýa edipdiler, ýöne näsag beýnisi ölen adamdy we göçürilen böwrek 61 gün işledi.
Riçard Sleýmanyň mysaly - adama doňzuň beden agzasynyň göçürilmegi bilen bagly taryhda üçünji ýagdaýdyr. Ilkinji iki ýagdaýda näsaglara ýürek göçürilipdi.
Ilkinji gezek doňuz ýüregi 57 ýaşly Dewid Bennette göçürildi. Transplantasiýadan soň bu adam sekiz hepde dört gün ýaşady. 2022-nji ýylyň 8-nji martynda aradan çykdy.
Ikinji näsag, 58 ýaşly Lorens Fosett transplantasiýadan soň alty hepde töweregi ýaşady we 2023-nji ýylyň 30-njy oktýabrynda aradan çykdy. Onda ýürek näsazlygy ýüze çykypdy we oňa adaty adam ýüregini transplantasiýa etmek ýaramsyz hasaplanypdy.


düýn 17:14
1.6k+

BSGG maýmyn mamasy boýunça adatdan daşary ýagdaý režimini ýatyrdy

Bütindünýä saglygy goraýyş guramasy indi maýmyn mamasynyň ýaýrawyny halkara derejesindäki adatdan daşary ýagdaý hökmünde görmeýär. Bu barada BSGG-niň baş direktory Tedros Adhanom Gebreýesus aýtdy. Adatdan daşary ýagdaý režimi bir ýyldan gowrak ozal bu ýokanjyň Afrikada ýaýramagy sebäpli adatdan daşary komitetiň görkezmeleri boýunça girizilipdi...

04.09.2025 12:02
3.9k+

BSGG: depressiýa we was-waslyk her ýyl dünýä ykdysadyýetine $1 trln zyýan ýetirýär

Bütindünýä saglygy goraýyş guramasy “Häzirki günde global psihiki saglyk” we “Psihiki saglygyň atlasy 2024” hasabatlaryny hödürledi. Olarda bütin dünýäde dürli psihiki bozulmalardan 1 milliarddan gowrak adamyň ejir çekýändigi aýdylýar...

03.09.2025 12:21
2.7k+

Gözüň torly perdesiniň barlagy Alsgeýmer keselini alamatlary ýüze çykmazdan on ýyl öň anyklap biler

Jekson barlaghanasynyň alymlary retinanyň gan damarlarynyň üýtgemeginiň Alsgeýmer keseliniň irki alamaty bolup biljekdigini anykladylar. Alymlar işiň dowamynda adamlaryň, takmynan, 40%-de duş gelýän we keseliň döremek howpuny ýokarlandyrýan MTHFR 677C> T genetiki mutasiýaly syçanlary öwrendiler...

02.09.2025 14:47
5.2k+

Türkmen alymlary arça ýagynyň esasynda şypaly melhem taýýarladylar

Türkmenistanyň Ylymlar akademiýasynyň Himiýa institutynyň ýaş hünärmenleri S.Lisowenko we D.Arazow arçanyň dürli böleklerinden efir ýaglaryny almak we olaryň esasynda üç görnüşli şypaly melhem taýýarlamak boýunça gözleg işlerini geçirdiler...