Uelsiň şa zenany Keýt Middltona rak kesel kesgidi goýuldy

  • 23.03.2024 20:56
  • 20k+

Uelsiň şa zenany Keýt Middlton rak kesel kesgidi goýlandan soň, öňüni alyş himiýa terapiýasyndan geçýändigini mälim etdi diýip, Bi-Bi-Si habar berýär.

Bu howply täze döreme ýanwar aýynda şa zenanynyň garnyna edilen operasiýadan soň geçirilen test barlaglarynda ýüze çykaryldy. Rak keseliniň haýsy görnüşidigi barada maglumat berilmedi.
Keýt fewral aýynyň ahyrynda himiýa bejergisine başlady. Ol öz kesel kesgidi we bu ýagdaýa nähili çemeleşýändigi barada wideo habary ýazgy etdi.

"Bu biziň üçin uly sarsgyn boldy we men Uilýam bilen ýaş maşgalamyzyň hatyrasyna öz aramyzda munuň hötdesinden gelmäge çalyşýarys we elimizden gelenini edýäris" – diýip, şa zenany gürrüň berdi.

Şeýle hem, ýagdaýy çagalaryna - Jorja, Şarlotta we Luiýe düşündirmek üçin özüne we adamsyna wagt gerekdigini aýtdy.

"Men olara özümiň sagdyndygymy we günsaýyn güýçlenýändigimi, aňymda, bedenimde we ruhumda sagalmaga kömek etjek zatlara ünsi jemländigimi aýtdym" –diýip, Keýt nygtady.

Operasiýadan soň Keýt köpçülige çykmasyny goýdy, munuň özi köp myş-myşlaryň döremegine sebäp boldy. Şa zenanyň iňlis şa maşgalasynda rak keseline duçar bolan ilkinji adam däldigini bellemelidiris. Şa Çarlz III-e hem başga bir lukmançylyk barlaglary wagtynda howply çiş bar diýip kesel kesgidi goýlupdy. Şondan soň ol hem köpçüligiň arasyna çykmasyny seýrekledipdi.


şu gün 00:48
1.6k+

Türkmenistanyň Döwlet lukmançylyk uniwersiteti Hazarýaka ýurtlarynyň uniwersitetleriniň assosiasiýasyna kabul edildi

Myrat Garryýew adyndaky Türkmenistanyň Döwlet lukmançylyk uniwersiteti Hazarýaka ýurtlarynyň uniwersitetleriniň we ylmy-barlag merkezleriniň assosiasiýasynyň resmi taýdan täze agzalygyna saýlandy. Bu barada "Türkmenistan: Altyn asyr" elektron neşiri habar berýär...

22.10.2025 15:02
10k+

Prisypkadaky asbest sebäpli 3 müň britaniýaly “Johnson & Johnson” kompaniýasynyň üstünden kazyýete arza berdi

Beýik Britaniýada üç müň töweregi ýaşaýjy Amerikanyň “Johnson & Johnson” kompaniýasynyň üstünden kazyýete arza berdi. Şikaýatçylar kompaniýanyň düzüminde rak keselini döredýän asbest maddasynyň bolmagynyň mümkindigini bilibem, talk prisypkasyny birnäçe ýyllap satandygyny öňe sürýärler diýip, BBC habar berýär...

22.10.2025 14:21
3.7k+

LEGO toplumy 1 milliondan gowrak çaga MRT-den gorkusyny ýeňmäge kömek etdi

Daniýanyň meşhur oýnawaç öndürijisi bolan LEGO kompaniýasy özüniň «LEGO MRI Scanner» atly okuw toplumy arkaly dünýä boýunça 1 milliondan gowrak çaga MRT barlagyndan öň dörän gorkularyny ýeňmäge kömek edendigini mälim etdi...

15.10.2025 14:38
14k+

Beýik Britaniýadan äpet we uzyn gulakly iki eşek Ginnesiň rekordlar kitabyna girdi

Beýik Britaniýadaky Redkliff goraghanasyndan iki eşek Ginnesiň rekordlar kitabyna girdi: biri dünýäde iň beýik eşek, beýlekisi iň uzyn gulakly eşek. Eşekler goraghananyň myhmanlarynyň söýgüsini gazanyp, bileje athanada wagtlaryny rahat geçirmegi halaýarlar...