Britaniýada köne-sana kitaplaryň arasyndan “Hobbitiň” ilkinji nusgasy tapyldy. Ol 43 müň funt sterlinge satyldy

  • 08.08.2025 16:11
  • 4k+

Beýik Britaniýada Jon R.R.Tolkiniň “Hobbit” kitabynyň ilkinji neşiriniň seýrek nusgasy tapyldy. Ol auksionda 43 müň funt sterlinge satyldy.

The New York Times-yň habar bermegine görä, tapyndy Bristolyň ýaňy-ýakynda aradan çykan ýaşaýjysynyň emlägine baha berlen wagty seýrek kitaplar boýunça hünärmen Keýtlin Raýli tarapyndan ýüze çykaryldy.
Raýli öý kitaphanasyny gözden geçirip ýörkä, köne maglumat kitaplarynyň we gadymy uly kitaplaryň arasynda ýiti-ýaşyl sahaply bir kitaby gördi. Bu 1937-nji ýylda çap edilen “Hobbitiň” ilkinji neşiriniň 1500 nusgasynyň biri bolup çykdy. Kitap eldegrilmedik ýagdaýyndady: ony ýa-ha asla okamandyrlar, ýa-da örän eserdeň bir adam okapdyr.


Hünärmen ilkibaşda bu ýerde ünsi çeken zadyň örän az bolandygyny we olaryň satyp biljek goşlarynyň hatda üç belgili sana hem ýetmändigini aýdýar. Soň bolsa hakyky ak-gara suratlar bilen bezelen “Hobbit” tapyldy – soňky neşir nusgalary reňkli görnüşde çykypdy.
Keýtlin nähili seýrek tapynda duşandygyna göz ýetirenden soň, duýgusyny saklap bilmän aglady.


Kitap Oksford uniwersiteti bilen baglanyşykly botanik Hýubet Pristliniň maşgalasynyň kitaphanasynda saklandy. Belli bolşy ýaly, Jon Tolkin Oksfordda okadypdy, Pristliniň maşgalasy bolsa onuň dosty – ýazyjy Klaýw S.Lýuis bilen aragatnaşyk saklaýardy. Bu hem kitabyň eýeleriniň Tolkiniň özi bilen gatnaşygynyň bolup biljekdigini çaklamaga esas berdi.
Auctioneum auksion öýüniň maglumatlaryna görä, şeýle nusgalardan bary-ýogy birnäçe ýüz sanysy saklanyp galdy. Ilkibaşda kitabyň bahasy 10-12 müň funt sterling diýlip bahalandyryldy, ýöne auksionda baha derrew 43 müň funt sterlinge çenli ýokarlandy diýip, The Guardian ýazýar.
Belläp geçsek, 2015-nji ýylda elf dilinde awtoryň ýazgysy bolan “Hobbitiň” ilkinji neşiriniň başga bir nusgasy Sotheby’s auksionynda 137 müň funt sterlinge satyldy.


şu gün 00:27
1.8k+

Londonda şa gyzy Diana we iki çaga tarapyndan goýlan wagt kapsulasy açyldy

Beýik Britaniýada Uels şa gyzy Diana tarapyndan goýlan wagt kapsulasy açyldy. Bu barada The Guardian ýazýar. Agaç guty 1991-nji ýylda Londonyň merkezindäki Greýt-Ormond-Stritde Variety Club hassahanasynyň binasynyň düýbi tutulanda gömüldi...

24.08.2025 17:19
8.6k+

Britaniýaly adam bir hepdede 55 sany "amerikan depejikleri" attraksionyna münüp Ginnesiň rekordyny goýdy

Britaniýaly Din Stouks Ginnesiň rekordlar kitabyna adyny ýazdyrdy – ol bir hepdäniň içinde "amerikan depejikleri" diýlip belli bolan 55 sany attraksionlara münüpdir diýip, BBC habar berýär. Rekordçy ilkibaşda diňe Beýik Britaniýadaky we Irlandiýadaky şeýle attraksionlara baryp görmegi maksat edinendigini, ýöne soňundan rekord goýmagy ýüregine düwendigini aýtdy...

21.08.2025 16:08
14k+

Britaniýaly bagban bir tomusda Ginnesiň dört rekordyny goýdy

Glosterşir graflygyndan britaniýaly bagban Grem Barratt şu tomus birbada dört rekord goýup, Ginnesiň rekordlar kitabyna girdi. Ol birinji rekordy 2-nji iýunda goýdy: Barratt 18 santimetr uzynlykda nohut kösügini ösdürip ýetişdirdi...

18.08.2025 15:36
3.1k+

Patyşa Karl III itler üçin tagamlaryň söwdasyny ýola goýdy

Britan patyşa maşgalasynyň Şotlandiýadaky rezidensiýasynda, Balmoral galasynyň web sahypasyndaky onlaýn dükanda önümleriň täze görnüşleri peýda boldy. Indi markaly çaý önümleri, deri önümleri, oýnawaçlar we çagalar üçin kitaplar bilen birlikde itler üçin hem dürli önümleri satyn alyp bolýar...