Ýakynda “Kesgir gaşlar” (“Острые козырьки”) filminiň awtory Stiwen Naýt “BirminghamWorld” neşiriniň žurnalistleri bilen söhbetdeş boldy. Onuň dowamynda kinematografçy aktýor Killian Mýorfiniň “Kesgir gaşlar” filminde Tomas Şelbiniň keşbine gaýdyp geljekdigini aýtdy.
Şeýle-de, Naýt filmiň sentýabr aýynda surata düşürilip başlanjakdygyny belledi. Premýeranyň senesi heniz habar berilmeýär.
Geljekki kartinanyň wakalary Ikinji jahan urşy ýyllarynda bolup geçer. Öň, filmde iki sýužet hatarynyň boljakdygy, wakalarda bolsa hem täze gahrymanlaryň, hem öňki gahrymanlaryň peýda boljakdygy belli boldy.
Bulardan başga-da, dekabr aýynda žurnalistler Netflix-iň “Kesgir gaşlaryň” iki spin-offunyň üstünde işleýändigini habar berdiler. Birinjisiniň wakalary asyl wakadan onlarça ýyldan soň Bostonda bolup geçer. Ikinji taslama Şelbi klanynyň matriarhy Polliniň ýaşlygy barada gürrüň berer.
Ýeri gelende bellesek, “Kesgir Gaşlar” (“Peaky Blinders”) Angliýanyň Birmingem şäherinde hereket eden kriminal banda bolup, käbir aýtgylara görä, bu at toparyň agzalarynyň öz papaklarynyň gaşlaryna päki tikmegi bilen baglanyşykly bolupdyr. Soň olar ýarag hökmünde ulanylyp bilnipdir.
