Ispaniýaly Karlos Alkaras Indian-Uellsde (ABŞ) geçirilen “Masters” tennis ýaryşynyň finalynda russiýaly Daniil Medwedewi utdy. Ýaryşyň baýrak gaznasy 9,5 mln dollara barabar diýip, “Çempionat” portaly habar berýär.
Oýun 7:6 (7:5), 6:1 hasabynda ispaniýalynyň peýdasyna tamamlandy. Oýnuň dowamlylygy 1 sagat 42 minut boldy.
Geçen möwsümiň finalynda-da ispaniýaly Medwedewi utupdy (6:3, 6:2).
Opta Sport-yň maglumatlaryna görä, Alkaras ýaryşyň taryhynda 21 ýaşyna ýetmänkä erkekleriň arasynda yzygider ikinji ýekelikdäki ýaryşda ýeňiji bolan ikinji tennisçi boldy.
Çempion titulyny üstünlikli goramak bilen, ol germaniýaly tennisçi Boris Bekkeriň 1987-1988-nji ýyllardaky rekordyny gaýtalady.
Alkaras dünýäniň ikinji raketkasydyr. Medwedew dördünji orunda ýerleşýär. Professional tennisçileriň assosiasiýasynyň (ATP) reýtinginde Nowak Jokowiç öňdeligi saklaýar (9675 utuk).
