Serdar Berdimuhamedow Ýewropanyň Täzeleniş we ösüş bankynyň wise-prezidentini kabul etdi

  • 14.03.2024 21:38
  • 4.3k+

14-nji martda Prezident Serdar Berdimuhamedow Ýewropanyň Täzeleniş we ösüş bankynyň wise-prezidenti Mark Boumany kabul etdi.

Özara gatnaşyklaryň ileri tutulýan meseleleri boýunça pikir alyşmalaryň barşynda Türkmenistan bilen Ýewropanyň Täzeleniş we ösüş bankynyň arasynda köp ýyllaryň dowamynda ýola goýlan hyzmatdaşlygyň netijeli häsiýeti kanagatlanma bilen  bellenildi.
Ulag we energetika ulgamlary hyzmatdaşlygyň möhüm ugurlarynyň hatarynda görkezildi. Bellenilişi ýaly, ýurdumyzyň geografiki taýdan amatly ýerde ýerleşmegi ulag-logistika ulgamyny ösdürmekde berk esas bolup hyzmat edýär.
Şunuň bilen baglylykda, Hazarüsti halkara gatnawlaryny işjeňleşdirmegiň  we bu ugurdaky kuwwatlyklardan  doly peýdalanmagyň wajypdygyna üns çekildi. Şeýle hem Ýewropa we Aziýa sebitlerini birleşdirýän Türkmenbaşy Halkara deňiz portunyň üstaşyr geçirijiligini artdyrmak boýunça mümkinçiliginiň uludygy  bellenildi. Şunuň bilen baglylykda, döwlet Baştutanymyz Türkmenistanyň ulag-üstaşyr geçelgelerini döretmek boýunça amala aşyrylýan taslamalara gatnaşmak babatyndan Ýewropanyň Täzeleniş we ösüş bankynyň anyk tekliplerine seretmäge taýýardygyny tassyklady. 
Duşuşygyň barşynda oba hojalygy pudagynda hyzmatdaşlyk etmek meseleleri barada hem durlup geçildi.
Ýurdumyzyň banklarynyň we hususy ulgamynyň Ýewropanyň Täzeleniş we ösüş banky bilen netijeli hyzmatdaşlygyny pugtalandyrmak, şol sanda kiçi we orta telekeçiligi ösdürmek, maliýe-karz hem-de maslahat beriş hyzmatlaryny işjeňleşdirmek bilen bagly meseleler hem gyzyklanma bildirilip, ara alnyp maslahatlaşyldy.


şu gün 13:26
827

Türkmenistan, Azerbaýjan we Özbegistan optiki-paýlaýyş merkezleriniň ulgamyny döretmegi maslahatlaşýar

Azerbaýjan, Özbegistan we Türkmenistan optiki-paýlaýyş merkezleriniň ulgamyny döretmegi hem-de durnukly söwda-logistika zynjyrlaryny ösdürmegi meýilleşdirýärler. ORIENT agentliginiň Report neşirine salgylanyp habar...

şu gün 11:59
1.5k+

Serdar Berdimuhamedow Koreýa Respublikasynyň Prezidentini dekabrdaky halkara foruma çagyrdy

29-njy awgustda Prezident Serdar Berdimuhamedow bilen Koreýa Respublikasynyň Prezidenti Li Çže Mýonyň arasynda telefon arkaly söhbetdeşlik geçirildi. Bu barada TDH habar berýär. Serdar Berdimuhamedow Li Çže Mýony Koreýa Respublikasynyň Prezidenti wezipesine saýlanylmagy bilen gutlap, oňa jogapkärli döwlet işinde uly üstünlikleri arzuw etdi...

şu gün 11:52
3.7k+

Gurbanguly Berdimuhamedow Aşgabatda täze uniwersitetiň açylyş dabarasyna gatnaşar

Prezident Serdar Berdimuhamedow Hökümet mejlisiniň barşynda 1-nji sentýabrda Bilimler we talyp ýaşlar güni mynasybetli ýurdumyzda birnäçe bilim edaralarynyň açylyp ulanylmaga beriljekdigini aýtdy. Hususan-da, Aşgabat şäherinde Halkara senagatçylar we telekeçiler uniwersiteti, Mary şäherinde Türkmenistanyň Döwlet energetika institutynyň täze goşmaça okuw binasy dabaraly ýagdaýda açylyp ulanmaga berler...

şu gün 11:45
697

Türkmenistan BMG-niň Baş Assambleýasynyň 80-nji sessiýasynda ileri tutýan garaýyşlaryny taýýarlady

Türkmenistanyň Daşary işler ministrligi BMG-niň Baş Assambleýasynyň 80-nji ýubileý sessiýasyna taýýarlyk görmegiň çäklerinde öňümizdäki syýasy ýyl üçin Türkmenistanyň ileri tutýan garaýyşlaryny taýýarlady. Bu garaýyşlary 29-njy awgustda Hökümet mejlisinde wise-premýer, daşary işler ministri R...