OPEK toparynyň we Halkara energetika agentliginiň (HEA) nebite bolan global isleg baradaky çaklamalary soňky 16 ýylda rekord derejede biri-birine çapraz geldi. Bu barada Reuters agentligine salgylanyp, Report belleýär.
Şeýlelikde, HEA-nyň çaklamalaryna görä, 2024-nji ýylda nebite bolan isleg bir günde 1,22 mln barrel ýokarlanar, şol bir wagtyň özünde OPEK ösüşi günde 2,25 mln barrel diýip çaklaýar.
Hünärmenler şeýle tapawudyň treýderleriň nebit bazarynyň ösüş depgini we “ýaşyl” geçişiň tizligi barada dürli signallary almagy bilen baglanyşyklydygyny belleýärler.
Mundan başga-da, OPEK bilen HEA nebite bolan islegiň iň ýokary derejesi baradaky çaklamalarynda hem ylalaşmadylar. OPEK iň ýokary derejäniň 2045-nji ýyla çenli bolmajagyny belleýär, şol bir wagtyň özünde HEA onuň 2030-njy ýyla çenli bolmagyna garaşýar.
Reuters-iň analitikleri hem global nebit bazaryndaky dinamika bilen bagly öz çaklamalarynyň HEA-nyň çaklamalaryna has ýakyndygyny belleýärler. Olaryň hasaby boýunça, islegiň ösüşi günde, takmynan, 1,3 mln barrel bolar.
