«Winni Puh: Gan we bal» atly gorky filmi kino pudagynyň iň erbet işi üçin berilýän «Altyn malina» anti-baýragynda birbada bäş ugurda ýeňiji boldy. Baýrak gowşurylyş dabarasyndan wideo YouTube-da ýerleşdirildi.
Film «Iň erbet film», «Iň erbet prikwel, remeýk we sikwel», şeýle hem «Iň erbet ssenariýa» ugurlary boýunça anti-baýraga mynasyp görüldi. Gorky filminiň awtory Ris Freýk-Woterfild «Iň erbet režissýor» boldy, ganhorlaryň keşbindäki Winni Puh we Ýemşijek «Iň erbet ekran jübüti» baýragyny aldy.
«Winni Puh: Gan we bal» filmi 2023-nji ýylyň 15-nji fewralynda çykdy. Filmiň ilkinji hepdesinde býujetinden 15 esse ýokary girdeji gazanyp, täsirli netije görkezendigi mälimdir.
