Kosmos işi boýunça «Roskosmos» döwlet korporasiýasynyň kosmonawtlar toparynyň serkerdesi, uçarman-kosmonawt, Türkmenistanyň Gahrymany O.D.Kononenko Halkara kosmos stansiýasynyň ýolbaşçylygyna bellenildi. Ol ESA-nyň astronawty daniýaly Andreas Mogensenden HKS-iň açaryny kabul etdi.
Mogensen Kononenko açary gowşuranda: «Oleg, sen kosmosda müň güne tarap barýarsyň. Halkara kosmos stansiýasy barada aýdylanda, senden has tejribeli adam ýok bolsa gerek. Şonuň üçin men açary iň ygtybarly gollara tabşyrýaryn» diýip belledi.
Oleg Kononenko häzirki wagtda kosmosa uçuşlarynyň umumy dowamlylygy boýunça dünýä rekordynyň eýesidir. 2024-nji ýylyň 5-nji iýunynda onuň kosmosda geçiren wagty müň güne, ýyllyk ekspedisiýanyň ahyrynda bolsa 1100 güne çenli ýeter. Hatda Oleg Kononenko 21-nji iýunda kosmosda 60 ýaşyny bellär. Ol 4-nji fewralda kosmosda 878 gün geçiren Gennadiý Padalkanyň rekordyny täzeledi.
