Lionsgate studiýasy iň üstünlikli franşizalary – “Jon Uik” we “Alagaraňkylyk” esasynda serial surata düşürer. Bu barada kompaniýanyň başlygy Maýkl Berns aýtdy diýip, Deadline habar berýär.
“Biz “Alagaraňkylyk” boýunça animirlenen serial surata düşüreris, meniň pikirimçe, oňa gyzyklanma köp bolar. Şeýle-de, biz “Jon Uik” franşizasynyň gerimini giňeltmegi meýilleşdirýäris. Bu telewizion taslama bolup biler” – diýip, Berns belledi.
“Alagaraňkylyk” franşizasynyň esasynda serial düşüriljekdigi heniz 2023-nji ýylyň aprel aýynda belli boldy. Stefani Maýeriň kitaplaryna esaslanýan bu franşiza 2012-nji ýylda “Alagaraňkylyk. Saga. Säher. Bölüm II” filmi bilen tamamlandy. Bu film dünýä prokatynda 3,4 mlrd dollardan gowrak girdeji gazandy. Baş keşpleri Kristen Stýuart, Robert Pattinson, Teýlor Lotner ýerine ýetirdi.
“Jon Uigiň” dördünji bölümi 2023-nji ýylyň mart aýynda çykdy. Ol Kianu Riwziň killer keşbindäki işiniň soňlanmasy boldy. Geçen ýylyň noýabr aýynda franşiza esasynda anime düşüriljekdigi barada habar peýda boldy.
