HBO akym hyzmatynyň «Aždarhanyň öýi» serialynyň ikinji möwsümi 2024-nji ýylyň iýun aýynda çykar. Bu barada Variety habar berdi.
Täze möwsümiň goýberiljek senesi Warner Bros. Discovery kompaniýasynyň global akym we oýunlar boýunça baş direktory Jeý Bi Perret tarapyndan 4-nji martda geçirilen Morgan Stanley Technology, Media and Telecom maslahatynda yglan edildi. Ikinji möwsümiň şu tomus tomaşaçylara elýeterli boljakdygy öňem mälimdi.
Häzirki wagtda serialyň çykjak takyk senesi gizlin saklanýar.
«Aždarhanyň öýi» meşhur «Tagt oýunlary» serialynyň prikwelidir. Onuň sýužeti Jorj R.R.Martiniň Targariýenler nesilşalygynyň pese gaçmagy barada gürrüň berýän «Alaw we gan» atly kitabynyň aýry-aýry bölümlerine esaslanýar.
