Hindistanda toýdan öňki dabara 151 mln dollar sarp edildi. Myhmanlaryň arasynda Rianna, Bill Geýts we Mark Sukerberg bar

  • 05.03.2024 22:02
  • 37k+

Hindistanda milliarder Mukeş Ambaniniň mirasdüşeri, 28 ýaşly Anant Ambani bilen hindistanly işewür Wiren Merçantyň gyzy Radhiki Merçantyň toýy mynasybetli üç günlük toýdan öňki dabara geçirildi. Ýaşlar geçen ýylyň ýanwar aýynda Gol Dhana dabarasynda adaglandylar, toý 12-nji iýulda bolar diýip, Times of India ýazýar.

 

Belli bolşy ýaly, bu dabarada Rianna çykyş etdi we käbir maglumatlara görä, oňa 6 mln dollar tölendi. 1000-den gowrak adamy ýygnan dabaranyň myhmanlarynyň arasynda Bill Geýts, Iwanka Tramp, Mark Sukerberg we Bolliwudyň köp sanly ýyldyzlary hem bar.
Çeşmeler üç gün dowam eden dabaranyň dress-kodunyň dokuz sahypada ýazylandygyny habar berýärler. Myhmanlar üçin hödürlenen tagamlar bolsa 40-dan gowrak meşhur aşpezler tarapyndan taýýarlandy, olar myhmanlara 2500-den gowrak hindi, meksika, ýapon we panaziýa naharlaryny hödürlediler. Bu çärä 151 mln dollardan gowrak pul sarp edildi.
Öýlenýän ýigidiň kakasy Mukeş Ambani Reliance Anil Dhirubhai Ambani Group kompaniýasyna eýeçilik edýär we ol “Forbes” žurnalynyň wersiýasyna görä, dünýäniň iň baý on adamynyň hataryna girýär. Onuň baýlygy, takmynan, 117 mlrd dollar bilen bahalandyrylýar. 


28.08.2025 06:36
4.9k+

Repçi Jay-Z dünýäniň iň baý sazandasy bolmagynda galýar, onuň baýlygy 2,6 mlrd dollara ýetdi

Forbes neşiriniň wersiýasy boýunça, repçi Jay-Z dünýäniň iň baý sazandasy bolmagynda galýar. Onuň baýlygy 2,6 mlrd dollar diýlip hasaplanýar. 2019-njy ýylda Jay-Z ilkinji hip-hop-artist-milliarder boldy. Soňky ýyllarda onuň baýlygy ep-esli: 2023-nji ýyldaky 1,4 mlrd dollardan 2,5 mlrd dollara çenli artdy...

22.08.2025 18:51
6.6k+

Forbes: Ilon Maskyň Grok çat-boty ulanyjylar bilen ýüzlerçe müň söhbetdeşligi internete ýaýratdy

Ilon Maskyň xAI kompaniýasy tötänleýin ýüzlerçe müň ulanyjynyň Grok çat-boty bilen ýazyşan söhbetlerini açyk elýeterlilige hödürledi. Köp ulanyjylar öz söhbetdeşliginiň köpçülige ýaýrap biljekdigini bilmeýärdi diýip, Forbes žurnaly habar berdi...

18.08.2025 19:23
8.9k+

Hindi ýazyjysy diňe 2114-nji ýyla ýetilende okalyp bilinjek kitaby ýazar

Meşhur hindi ýazyjysy Amitaw Goş “Geljegiň kitaphanasy” taslamasynyň 12-nji gatnaşyjysy boldy. Onuň indiki golýazmasy, 2114-nji ýyla çenli, ýagny 89 ýyllap okyjylar üçin elýeterli bolmaz diýip, The Guardian habar berýär...

13.08.2025 11:14
9.8k+

Sukerberg Kremniý jülgesinde 11 jaýly tutuş köçäni satyn alyp, ol ýerde bunker gurdy

Meta-nyň baş direktory Mark Sukerberg Kremniý jülgesindäki Kresent-Park diýen ýerde 11 jaýy satyn alyp, munuň üçin 110 mln dollar sarp etdi. Kaliforniýada bu ýer hukukçylaryň, kompaniýalaryň top-menejerleriniň we Stenford uniwersitetiniň professorlarynyň ýaşaýan ýeri hökmünde bellidir...