4-6-njy martda ÝHHG-niň Baş sekretary Helga Mariýa Şmid Türkmenistanda Merkezi Aziýa döwletleriniň daşky gurşawy goramak ministrlikleriniň ýolbaşçylary bilen duşuşyklary geçirer, şeýle hem ýokary wezipeli ýolbaşçylar bilen howanyň üýtgemegine we howpsuzlyk meselelerine bagyşlanan strategiki gepleşikleri geçirer diýip, guramanyň resmi saýtynda habar berilýär.
Garaşylyşy ýaly, Aşgabatda geçiriljek duşuşyga gatnaşyjylar howanyň üýtgemeginiň mümkin bolan sebäpleriniň sebitde hwopsuzlyga we durnuklylyga täsirlerini maslahatlaşarlar, şeýle hem serhetara suwlary dolandyrmak, energetika howpsuzlygy, durnukly aragatnaşyk we tebigy betbagtçylyklaryň täsirlerini azaltmak bilen bagly meseleleri çözmegiň ýollaryny maslahatlaşarlar.
Aşgabada saparynyň çäklerinde Şmid şeýle hem Türkmenistanyň Prezidenti Serdar Berdimuhamedow bilen duşuşar. Şeýle hem ol ÝHHG-niň Merkezi Aziýa ýurtlaryndaky wekilhanalarynyň ýolbaşçylarynyň her ýylky mejlisinde başlyklyk eder.
