Hytaýyň Alibaba tehnologiýa kompaniýasynyň programmistleri fotosuratlary janlandyryp biljek emeli ulgamyny döretdiler. EMO (Emote Portret Alive) bir fotosurat esasynda gürleýän ýa-da aýdym aýdýan adamyň hakyky wideolaryny döredip biler diýip, arXiv neşirinde geçirilen gözleglere salgylanýan Hi-Tech habar berýär.
EMO ses tolkunlaryny wideo kadrlaryna öwürýän emeli aňyň diffuziýa modelini ulanýar. Ulgam çykyşlar, filmler, teleşüweleňler we wokal çykyşlary ýaly dürli çeşmelerden 250 sagatlap “gürleşýän” wideolar toplumynyň maglumatlary esasynda tälim aldy.
EMO wideonyň hili, meňzeşligi saklaýyşy we manylylygy taýdan bar bolan usullardan öňe geçdi. Onuň döreden wideolary beýleki işläp düzülenlere garanda has tebigy we duýga baý diýip kabul edilýär.
AI-ulgam diňe bir gepleşikli wideolary döretmek bilen çäklenmän, wokal bilen sinhronlaşdyrylan aýdym aýdýan portretleri hem janlandyryp biler. Giriş sesiniň uzynlygyna baglylykda, ol erkin dowamlylykdaky wideolary döretmegi goldaýar.
Şeýle ulgam okuw materiallaryny döretmekde, wideoly prezentasiýalary, şahsy gutlaglary taýýarlamakda we ş.m. ulanylyp biler.
