Ýewropa awtoöndürijileri Hytaýyň awtoulag senagaty bilen bäsleşmek üçin birleşik döredip biler

  • 02.03.2024 17:33
  • 11k+

Renault kompaniýasynyň baş müdiri Luka de Meo Ýewropanyň awtoöndürijilerini tagallalary birleşdirip, elýeterli elektromobil öndürmek üçin Airbus-a meňzeş konglomeraty döretmäge çagyrýar. Bu barada “AwtoGrondo” neşiri habar berýär.

De Meo-nyň aýtmagyna görä, ýewropaly awtoöndürijilere bu pudakda lidere öwrülen Hytaýdan arzan bahaly elektromobilleriň barha artýan importy bilen bäsleşmek üçin birleşik döretmek gerek.

“Hyzmatdaşlar täze awtomobilleriň önümçiligi üçin maýa goýumlary paýlaşyp, çykdajylary azaldyp bilerler” diýip, de Meo belleýär. Ol, mysal üçin, 80-nji ýyllarda Alfa Romeo Fiat, Lancia we Saab tarapyndan ulanylan Type 4 platformasynda ýewropaly awtoöndürijileriň hyzmatdaşlygynyň öňki mysallaryna ünsi çekdi.

Renault eýýäm Renault 5-iň esasynda duran AmpR platformasyny bilelikde ulanmak barada Volkswagen bilen gepleşikleri geçirýär. Fransuz korporasiýasy bu platforma esaslanýan Twingo elektromobilini-de 20 000 ýewro baha bilen satyp başlamagy meýilleşdirýär.
Şeýle taslamanyň maksady Hytaýyň awtoöndürijileriniň edişi ýaly akkumulýatorlary, hereketlendirijileri we elektronikany öz içine alýan Ýewropa baha zynjyryny döretmek bolar. “Maksat Ýewropada ähli zady bäsdeşlige ukyply bahadan satyn almakdan ybarat” diýip, de Meo belleýär.
Mundan başga-da, ol Ýewropa awtoöndürijileri üçin awtomobilleri çalt döretmegiň uly kynçylyk boljakdygyny aýtdy. Renault-yň özi elektromobillerini işläp taýýarlamak wagtyny Renault 5 üçin dört ýyldan üç ýyla çenli azaltdy we ony Twingo üçin iki ýyla çenli azaltmagy meýilleşdirýär.
Meonyň belleýşi ýaly, “hytaýlylara garşy tizlik möhümdir”.


11.07.2025 01:43
2.8k+

BYD-niň täze akkumulýatorlary tiz zarýad bermegi we 1000 km-den gowrak ýol ätiýaçlygyny üpjün edýär

BYD hytaý kompaniýasy 2027-nji ýylda aşa berk (solid-state) akkumulýatorly elektromobilleriň köpçülikleýin önümçiligine başlajakdygyny mälim etdi. Täze tehnologiýa bilen ulaglar 1000 km-den gowrak ýol aralygyny geçer hem-de 12 minutdan az wagtda doly zarýadlanar...

04.07.2025 18:52
2.2k+

Ýewropada Jaguar-yň satuwy rebrendingden we elektromobillere geçenden soň 98% pese gaçdy

2025-nji ýylyň aprel aýynda Ýewropada Jaguar awtomobilleriniň satuwy geçen ýylyň degişli döwri bilen deňeşdirilende 97,5% pese gaçdy – bary-ýogy 49 ulag satyldy. Ýanwar aýyndan aprel aýy aralygynda brendiň satuwy 75,1% peselip, 2665 awtomobil boldy...

03.07.2025 10:54
4.9k+

Volkswagen, BMW we Mercedes sürüjisiz awtoulaglar üçin umumy programma üpjünçiligini döreder

Volkswagen, BMW, Mercedes-Benz we başga-da Germaniýanyň sekiz kompaniýasy, şol sanda Bosch we ZF awtoulaglar üçin umumy programma üpjünçiligini döretmek boýunça özara düşünişmek baradaky ähtnama gol çekişdiler...

02.07.2025 11:34
11k+

Lexus Hytaýda täze zawodynyň gurluşygyna başlady

Lexus kompaniýasy elektromobil önümçiligi boýunça Hytaýdaky ilkinji zawodynyň gurluşygyna başlady. Kärhana Şanhaý şäheriniň golaýynda ýerleşer we ilkinji awtoulaglar konweýerden 2027-nji ýylda çykyp başlar diýip, CarNewsChina neşiri habar berýär...