Ford kompaniýasy Bronco modeliniň dünýä bazaryna hödürlenen ähli wersiýalaryndan tapawutlanýan, üýtgedilen görnüşini Hytaý bazaryna çykarmaga taýýarlanýar. Täze model Jiangling Ford bilelikdäki kärhanasy tarapyndan işlenip düzüldi we gibrid hem-de doly elektrik görnüşinde hödürlener. ABŞ-da Bronco-nyň şeýle görnüşleri öndürilmeýär.
CarNewsChina-nyň berýän maglumatyna görä, bu modeliň daşky görnüşi Bronco Sport -a meňzeýär, ýöne göwrümi ep-esli uludyr, onuň uzynlygy 5025 mm, teker bazasy bolsa 2950 mm, diýmek, Ford Explorer bilen barabardyr.
Elektrik wersiýasy iki sany elektrik hereketlendirijili: öň tarapynda 176 at güýçli we yz tarapynda 275 at güýçli güýç gurluşy bilen üpjün edilendir. Aňrybaş tizligi sagatda 170 km. Bu model CLTC aýlawynda 650 km ätiýaçlyk aralygyny üpjün edip, BYD tarapyndan öndürilen 105,4 kWt·s batareýany ulanýar.
Seriýaly gibrid 1,5 litrlik benzinli hereketlendiriji, öň tarapynda elektrik hereketlendirijisi we yzky böleginde 245 at güýji bolan hereketlendiriji bilen enjamlaşdyrylandyr. Batareýanyň kuwwaty 43,7 kWt·s, bu 220 km elektrik çekişini berýär we jemi bolsa 1220 km bolýar.
Elektrik krossoweriniň umumy agramy 2630 kg, gibrid görnüşiniň agramy bolsa 2510 kg. Hytaýyň Senagat ministrligi tarapyndan neşir edilen suratlara görä, modeliň üçegi lidar bilen enjamlaşdyrylan - bu enjam amerikan Ford modelleriniň hiç birinde entek ýok.
Insaýderleriň maglumatlaryna görä, täze önüm bilen güýzde tanyşdyrylar. Garaşylýan bahasy - 300- 400 müň ýuan (41,7-55,6 müň dollar).
